1 Samuil 14:40 - DAWAN BÎLA AISKA

⁴⁰ bara Saúl Israel luhpia nani ra win: —Man nani sut baha tani ra baman taws, bara luhpi Janatan ba yang wal baman naha tani ra buamna. Bara dakni ba pana win: —Man nahki kau yamni kaikisma ba kat dauks.

1 Samuil 14:40 ပူးပေါင်းရင်းမြစ်များ

2 Samuil 15:15

Witin nani pana king ra win: —Yang nani sut nâra ridi sna, king tara ba dîa daukaia wan wibia ba daukaia.

1 Samuil 1:23

Ai maya Elcaná bui pana win: —Man nahki daukrika kau yamni kaikma ba kat dauks; bamna nâra bas, tukta ba tiala dakma ba kat. Bara Dawan daukaia win ba yaka ban aimakbia. Bara witin takaskan, ai luhpia waitna paki kan tiala dakban ba kat.

1 Samuil 14:36

Baha ningkara Saúl daukaia lukan ba: —Na tihmia yawan iwi wap filisteo nani nina blikaia, ai dukia nani sut mihta dakbaia, kumi sin raya swiaia apia, sut ikaia kau ingras ba ra. Upla sut pana win: —Dauks man nahki kau yamni kaikisma ba kat. Sakuna prîs ba bila win: —Diara sut tâura, kaisa Dawan ra pas makabi walaia.

1 Samuil 14:39

Dawan, Israel sasakra nina mâki swer takisna, saurka ba luhpi Janatan daukan sa kaka sin, witin pruaia sa. Aiklaklabra nani kumi sin pana ai un kahbras kan,

1 Samuil 14:41

Bara Saúl karna inan: —Dawan Israel Gâdka, ¿dîa kan warkkam dadaukra ra naiwa pana aisaras sma? Pâtka ba yang brisna kaka, apia kaka luhpi Janatan brisa kaka, lat nani lulkamna bara Urim bal takbia; sakuna Israel luhpia nani ba pâtkira sa kaka, lat ba lulkbia bara Tumim bal takbia. Bamna latka ba Janatan bara Saúl wal purara kauhan, bara upla nani ba swak takan baha pâtka ba wina.

1 Samuil 14:7

Ai hilpika pana win: —Dîa daukaia lukankam ra brisma ba sut dauks, yang sin ridi sna daukaia lukisma ba tâm baikaia.