1 Samuil 14:35 - DAWAN BÎLA AISKA

³⁵ Saúl, witin lika, altar kum paskan Dawan dukia, baha ba pas witin Dawan mihta ra mangkan.

1 Samuil 14:35 ပူးပေါင်းရင်းမြစ်များ

2 Samuil 24:25

bara bahara altar kum paskan Dawan dukiara, bahara wîna aiska angkan bara kli wal wan uplika takaia sakripaiska sin daukan. Baha daukan kat Dawan kli baha kuntrika uplika nani makabanka nani ba yamni walan, bara siknis saura nani ba sut Israel luhpia nani tila wina sakan.

Oseas 8:14

Israel utla tara nani mâkisa, sakuna ai Papaskra ba ai âuya tikisa. Juda tawan tara karnakira nani ailal paskisa, sakuna baha nani yang pauta klauhan kumi ra angkamna, watla tara nani ba sut ambia.”

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!

Wihta Nani 21:4

Yu wala Israel luhpia nani ba titan pali buan, altar kum paskan bara baha purara daiwan wîna aiska angki, kli Dawan wal ai uplika takaia sakripaiska nani sin daukan.

Wihta Nani 6:24

Bara Gedeón baha tasbaya ra altar kumi paskan, bara Dawan ra pain kulkan lâka yabaia bahara ai pura sunan, bara altar nina ba ‘‘Dawan ba kupia kumi lâka’’ mâkan. Naha altarka ba naiwa kat Ofrá ra kau ban bâra sa, baha lika Abiézer masraka nani tawanka tara ba.

1 Samuil 14:34

Baha purkara, upla nani wal aisas bara wis, witin nani kumi bani ai bîpka wainhka nani bara ai sîpka nani nâra brih balbia, bara man nani bui lal dakbi ikma bara pi banhma. Baha tihmia upla bani, ai wîna kat ai bîpka wainhka brih wan bara bahara ikan, sakuna Dawan mapara saura daukaia apia mata wîna tala bri ba lika piras kan.

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”

1 Samuil 7:17

Ba sut taukan ba ningkara, witin kli ai watla Ramá ra bali kan, bahara sin Dawan altarka paski bri kan. Baha wina Israel luhpia nani sut lâka dauki kan.

1 Samuil 7:9

Sîp lupia kum kau tiala di ba Samuil brin, bara aiska angki sakripais dauki, Israel luhpia nani tâwan Dawan ra makabi ai pura sunan, bara Dawan pana witin ra walan.