1 Samuil 14:32 - DAWAN BÎLA AISKA

³² bara ai waihla nani wina dukia nani dakban ba ban prak alkan, ai kupia âpu, sîp nani, bîp nani bara bîp luhpia nani ba alki nana dakbi wîna ba raya, tâlia wal ban pin.

1 Samuil 14:32 ပူးပေါင်းရင်းမြစ်များ

Blasi Sturka 9:4

Sakuna wîna tala bri nani ba, man nani pima apia, kan tala ba sika upla rayaka sa bamna.

Isikiel 33:25

Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Libait Lâka 19:26

“Wîna ba tâlia ba wal ban pipara. “Yapi smaya kaikaia bara yu wala dîa takaia ba wiaia warkka daukpara.

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Apastil Nani Sturka 15:20

Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

Kli Smalkanka 12:16

Sakuna tâlia ba piaia apia sma, kuna lî baku tasba ra laiks.

1 Samuil 15:19

¿Dîa muni man ra mai win ba kat daukras kapram, Dawan bîla ba lulkram, bara waihlam nani dukia ba alki briram bara Dawan nakra ra saura daukram?