1 Samuil 13:5 - DAWAN BÎLA AISKA

⁵ Filisteo nani sut asla takan, Israel luhpia nani wal aiklabaia. War aiklabaia waginka 30,000 brin, 6,000 aras âiulra nani, upla ailal auhya mâ baku. Witin nani Micmás ra aiklabaia ai kiampka bapan, baha lika Bet-avén lalma tani ra.

1 Samuil 13:5 ပူးပေါင်းရင်းမြစ်များ

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

2 Samuil 17:11

Nanara aitani, yang kupi lukra na mai wimna, Israel luhpia nani sut Dan wina Beerseba kat paiws; witin nani ailal pali sa, kabu auhika mâ ailal ba baku sa, bara man bui tâ bris war ra aiklabaia waia.

1 King Nani 20:27

Israel luhpia nani sin pain pali tânka ba laki kaikan, bara plun nani saki brih Siria uplika nani mapara aiklabaia taki wan. Bara Israel luhpia nani mita ai waihla nani kainara takaski banhwan, guts daknika baikanka wâl baku takan, bara Siria uplika nani mita tasbaya ba sut kutbi brin.

2 Kronikas 1:9

Bamna nanara, Dawan Gâd, man bui aisiki Debit ra aisaram ba baku yang ra dauks, kan man bui sika yang ra upla ailal auhya mâ baku kan tilara king ai mangkram bamna.

Aiseya 10:28

Witin Rimón bâk aula, ban Ai kat auya, ban Migrón bâk lui; ai dukia nani Micmás kat swin.

Aiseya 48:19

Man kiamkam nani ba ailal kabia, sip kulkras kabia, kabu auhika baku ba mita; yang aima kumi sin sauhki mai tikamna apia, baku sin yang maiwan wina sin mai slingbi sakamna apia.”

Jirimaya 15:8

Kabu un ra auhya ailalka ba wal man nani tilamra kau piarka nani ailal swiri. Yu wan lal kat prura ba blikri yaptika nani luhpia waitna nani bara tiara nani purara; bîla kaikras pali kan pât tara sibrin tara ba pât blikri.

Oseas 10:5

Sameria uplika nani tatatwisa; Bet-avén ra ai bîpka lupia bri ba tiwuya ba dukiara inisa. Upla nani ba, prîs nani ba bîpka lupia ba pura mata inisa, ai prana ba lap tiwan bamna.

Oseas 4:15

“Israel, man rug lâka daukisma kaka, Juda pan saura daukbiara. Man nani Guilgal ra wapara, Bet-avén ra sin uli wapara. ¡Dawan nina ra, diara daukaia swer takpara, Dawan raya sa bamna!

Oseas 5:8

¡War aiklabaia puhbaika aringka ba, Guibeá ra puhbi banhs, bara Ramá ra trumpit ba puhs! ¡Bet-avén ra bin tara dauks! ¡Benjamín ra bin tanis pali dauks!

Roman 9:27

Sakuna Israel luhpia nani dukiara Aiseya naku win: “Israel luhpia nani ba lika sim kabu auhika baku kabia kra, sakuna baha ba wina wiria baman swaki sakan kabia,

Jasua 11:4

Naha kingka nani sut taki balan, ai aiklaklabra nani sut sin, ai araska nani bara wagin nani, upla sip kulki sakras, kabu auhika mâ kabu un ra ba baku kata.

Jasua 18:12

Naha tasbaya piarkika ba tâ kriki kan, lalma tani ra, Jordan awalka ra, bara Jeriko yahbra kat wi kata, bara ban il unta biara bâk muna tani ra drawi, Bet-avén upla iwras tasbaya ba kat wi kata.

Jasua 7:2

Jasua mita tila waitna nani ba Jeriko wina, Ai tawanka tara ra waia blikan kan, Betel lalma ra, Bet-avén lamara. Witin nani ba blikan kan baha tawanka uplika nani iwanka ba lâka tânka ba laki kaikaia. Bara witin nani Ai tawanka tânka ba wapi kaikan,

Wihta Nani 7:12

Madián uplika nani, Amalec uplika nani bara lalma tasbaya uplika nani ba sut il bîla langnika ba ra tristrisia ailalka yakawi ba baku bâra kan. Kiamil nani sin ailal pali bri kan, kabu un ra auhya mâ ailalka ba baku.

1 Samuil 13:11

Sakuna Samuil pana win: —¿Man dîa muni baku daukisma? Saúl pana win: —Yang kaikri upla nani ba ai swih mahka auya kan, bara man sin balaia ai wiram ba piua kat balras kapram bara filisteo nani ba sin kaikri mahka aipaswi kan.

1 Samuil 13:2

Israel luhpia nani tila wina 3,000 suldiar pliki sakan. Bara witin wal 2,000 suldiar Micmás ra bara Betel ilka nani ra takaskan, bara kau 1,000 wala nani ba lika Guibeá, Benjamín tasbaya ra Janatan wal takaskan. Baha wina upla kau wala nani ba, Saúl mita adar yan kli ai watla ra tawaia.

1 Samuil 14:23

War ba aiklabi ban Bet-avén kat wan, bara naha piua ra Dawan bui Israel luhpia nani ba swaki sakan.

1 Samuil 14:52

Saúl yua nani sut tilara war ba karna pali kan filisteo nani mapara; baha mita Saúl ba waitna kau karna bara kupia sin karna nani ba ai aiklaklabra nani tilara brin.

1 Samuil 17:1

Juda ra tawan kum nina Socó mâki kan, filisteo suldiarka nani ba bahara aidrubi asla takan war aiklabaia. Socó wihki Azecá wal bilka ra plis kum bâra kan nina ba Efes-damim, bahara ai kiampka bapan.

1 Samuil 7:13

Naku filisteo nani ba pura luan kata, bara witin nani kli baku Israel luhpia nani tasbaya mapara dimi waras kan; Samuil raya kan ba piua nani sut ra Dawan filisteo nani mapara karna kan.