1 Samuil 13:3 - DAWAN BÎLA AISKA

³ Filisteo aiklaklabra nani Guibeá ra bâra kan ba, Janatan bui âpu daukan bara filisteo nani tawan ra baha sturka walan. Bamna Saúl upla blikan wan, tawan nani sut ra trumpit puhban bara Hibru nani sut sturi ba walaia.

1 Samuil 13:3 ပူးပေါင်းရင်းမြစ်များ

2 Samuil 2:28

Ba ningkara, Joab ai uplika nani ra adar yan trumpit ba puhbia, bara upla sut ip takaskan, Israel luhpia nani nina blikras wal bara kau sin aiklabras.

2 Samuil 20:1

Benjamín kiamka wina watawikira kum, nina Sebá bara Bicrí luhpia waitna, Guilgal ra bâra kan. Witin tawan ra maisa pakan war bukaia, bara naku witin aisi kan: “¡Jesé luhpia Debit wal yawan diara briras, wan prapatika sin âpu! ¡Bamna Israel luhpia nani sut wamtla ra was!”

2 Samuil 23:14

Debit ba kan kahbaika pliska ba ra kan piua ra, Betlehem ra filisteo nani aiklaklabra daknika karna kum bâra kan.

Aiseya 10:29

Tingni luaika bâk luan Gueba ra tihmia takaskan; Ramá tatatwan; Guibeá Saúl tawanka uplika nani ba plapan.

Sakaraya 14:10

Naha tasbaya aiska tasba langni takbia, Gueba wina Rimón, Jerusalem waupasa tani ba kat. Bara Jerusalem ba, purara bukan kabia baha tasbaya langnika ba Benjamín getka ba wina Walpa Kutbanka un rayka Dimaika ba kat (baha ba kan piua ra Get Almuk mâki kata ba); bara Hananel aihwakaika ba wina king batana laya taibi saki ba watla nani kat kulkisa, bahara upla nani iwi kabia.

Jasua 18:24

Quefar-haamoní, Ofní bara Gueba, wibia kaka tawan tara 12 ai tawanka sirpi nani ba wal.

Jasua 21:17

Bara Benjamín kiamka lika Gabaón, Gueba,

Wihta Nani 3:27

Witin ba Israel luhpia nani tasbaya ra wih diman ba ra, Efraín ilka nani ra uli wih trumpit puhban Israel luhpia nani ba paiwaia, bara witin nani sut il ba wina bal iwan, Ehud witin nani tâura aimaki.

Wihta Nani 6:34

Sakuna Dawan spiritka ba Gedeón ra aiska diman, bara witin sîp aringka kum brih puhban, Abiézer masraka nani sut bal asla takbia dukiara;

1 Samuil 10:5

Baha ningkara Guibeá Gâd dukia ba ra wama, bahara filisteo aiklaklabra nani bâra ba sin kaiki luma. Bara tawan ba dimaia lamara wama ba ra, prapit nani dakni kum sakripais daukaia watla wina aula spirit diman ba wal prawma. Witin nani aula ba kainara upla nani arp kangbi, drum pruki, plut puhbi bara gitar puli kabia.

1 Samuil 13:16

Saúl ai luhpia Janatan wal, aiklaklabra daknika ba kira Guibeá ra takaskan, Benjamín tasbaya ra, bara filisteo nani lika Micmás ra ai kiampka ra takaski bâra kan.