1 Samuil 13:14 - DAWAN BÎLA AISKA

¹⁴ Bamna kingkam lâka ba ban kabia apia. Dawan bui witin yamni kaiki ba lâka kat waitna wala pliki sâkbia, bara ai uplika nani wihtka mangkbia, kan man sika Dawan lâka bîla nani maikan ba walras kapram bamna.

1 Samuil 13:14 ပူးပေါင်းရင်းမြစ်များ

2 Samuil 5:2

tânka pali ba kat lika, Saúl ba wan kingka, sakuna kasakka tânka ba kat man sika Israel luhpia nani tâ bri kapram war ra. Ba purkara, Dawan sin man ra pramis maikan, man sika Israel tâ bri pura wihtka aimakaia.”

2 Samuil 6:21

Debit pana win: —Âu, baha kasak sa; yang dans srutwi puli kapri ba, sakuna Dawan lamara yang pulri. Witin bui yang ra bâk ai sakan man papikam bara man tamya nani ba watlika ra, Israel ai tawanka ra wihtka aimakaia. Baha mita yang lika witin ai lamara dans pulisna.

2 King Nani 20:5

“Yang upliki nani wihtka Ezequías ra tawi wih wis: ‘Dawan, man damikam Debit Gâdka ba naku wisa: Yang lika man puram sunra ba walri bara man namkra laya nani ba sin kaikri. Yang mai rakaisna, bara lapta yumhpa dimbia yua ra Dawan tempelka ra uli was.

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

Lawana Nani 78:70

Ai napakan Debit ba bâk saki brin, witin ba sîp nani sepadka kan.

Sins Lâka 27:24

kan wan dukia ailal ba bara kraunka sin, ban kaia ra bâra kabia apia bamna.

Aiseya 39:5

Bara Aiseya mita Ezequías ra win: —Wals karnika sut bri Dawanka ba bîla:

Apastil Nani Sturka 13:22

Ningkara Gâd, Saúl ba saki si, witin ai watlika ra Debit ba king mangkan. Gâd mita Debit tâwan naku aisin: ‘Jesé luhpia waitna Debit sakri ba yang pain kaikisna, bara sin ridi sa yang dîa want sna ba sut daukbia.’

Apastil Nani Sturka 7:46

King Debit lika Gâd wina hilp brin, bamna witin want kan Jekob Gâdka iwaika watla kum paskaia.

Hibru Nani 2:10

Diara sut ba Gâd dukia nani sa, bara witin mita sin paskan sa; bara Gâd want sa ai luhpia nani sut ba ai prana ra ai dukia bri kabia. Baha mita, pât wahwan bâk, Gâd mita Jisas Kraist ba aiska aihwa daukaia kan, Jisas sika witin nani Sasakrika bamna.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”

1 Samuil 15:26

Samuil pana win: —Yang lika man wal kli tawi wamna apia, kan man Dawan adarka bîla nani ba bahki kulkram, bamna nanara witin mita sin Israel king lâka wina bahki mai kulkisa.

1 Samuil 15:28

Bara Samuil bui Saúl ra win: —Prâika kalwan na baku natka ra, Dawan sin naiwa Israel kingka lâka wina mai kalki sakisa. Man wina dakbi sakisa bara kuntrikam uplika wala kum ra man wal kau pain ba ra yabuya.

1 Samuil 16:1

Dawan ba Samuil ra win: —¿Ahkia kat man sari ban kaisma Saúl dukiara? Yang brin ai daukras s witin ba Israel kingka ban kabia. Was, aringka brisma ba batana laya ni banhkram, bara brin ai daukisa man Jesé watla ra wama, Betlehem ra, Jesé luhpia nani tila wina kum pat sakri sa king mangkaia.

1 Samuil 16:12

Jesé ai luhpia ba mata blikan, bara tukta ba brih balan. Tukta pranakira kan taya ba tangni mapla baku, siknis sin âpu, mawan sin pain. Bara Dawan bila Samuil ra win: —Naha sika. Nanara bus, bara yamni muni king mangks.

1 Samuil 2:30

Baku bamna, Dawan, Israel Gâdka ba, man bara tamya nani sin ban kaia ra ai dukia dauki kabia win ba, nanara wisa: ‘Yang aisari ba baku ban kabia apia, sakuna ya pain ai kulki ba baha uplika ra yang mita sin pain kulkamni, bara bahki ai kulki nani ba swira daukan kaia lâka ra mangkamni. Yang, Dawan, baha kasak aisisni.

1 Samuil 24:20

Nanara yang kasak pali daira walisna man ba king kama, man yabalkam auma bâk Israel kingka lâka ba pâwi tara takbia.

1 Samuil 25:30

Baku bamna, Dawan bui man dukiamra yamnikam nani sut daukaia aisin ba param sâkbia, bara Israel wihtka mai mangkbia,

1 Samuil 9:16

“Yauhka, sim naha awarka, waitna kum man ra blikamna Benjamín tasbaya wina, man bui witin ba batana ni laikma, yang upliki Israel luhpia nani wihtka kaia, witin bui witin nani ba filisteo nani karnika ba wina dakbi sâkbia, yang sin upliki nani kupia lukra ba wal sna, ai inanka nani ba yang kat uli wan bamna.”