1 Samuil 12:18 - DAWAN BÎLA AISKA

¹⁸ Samuil Dawan ra winan ba ra, alwani nani bara lî sin blikan; bamna upla nani baha kaikan sut sibrin takan Dawan ra, Samuil ra sin.

1 Samuil 12:18 ပူးပေါင်းရင်းမြစ်များ

1 King Nani 18:42

Bara Ahab mahka wan, plun pin bara diara laya sin din. Bara Ilayas Carmelo ilka bahna ra ulan, bara tasba ra ai lula krikan, ai mawan ba ban ai lula nani kat mangkan.

Esdras 10:9

Bahamna Juda wina waitna nani ba sut, Benjamín wina sin sut aidrubi asla takan Jerusalem ra lapta yua 20, kati 9 alkan bilka ra, wibia kaka, yu yumhpa ra upla nani ba asla takan. Bara baku, witin nani sut Gâd watla latka ra asla iwi banhwan, baha pâtka ba dukiara luki banhwi kan, baha purkara lî sin auhi kan ba tâka mita witin nani tatatwi banhwi kan.

Job 37:13

Baha nani sut ba wal sip sa Gâd mita tasba ra klala yabaia, apia kaka ai latwanka lâka tânka ba marikaia.

Lawana Nani 99:6

Moses bara Eran wal, ai prîska nani tilara sa, Samuil lika nina mayuni ba tilara sa. Dawan wali kan witin nani hilp pliki makabi kan piua ra.

Impakan Sturka 14:31

Dawan wark karnakira nani Idsip uplika nani mapara daukan ba, Israel luhpia nani ba kaikan ba ra, witin nani Dawan sibrinka brin bara kasak lukan. Ai napakanka Moses ra sin kulkanka yabi banhwan.

Jasua 10:12

Dawan mita amorreo nani ba Israel luhpia nani mihta ra mangkan ba ra, Jasua upla nani mawanra bûi Dawan ra aisi, naku win: “Yu lapta, Gabaón purara takaski bâra bas; kati, Aialón langnika purara takaski bâra bas.”

Jasua 4:14

Baha yua Dawan mita baku daukan, Israel luhpia nani ba sut Jasua ra kaiki tâ iwaia bara kulkanka sin yabaia, Moses raya kan witin nani bui witin ra bîla wali kulki kan ba baku, Jasua ra sin kulkaia.