1 Pita 5:3 - DAWAN BÎLA AISKA

³ Baha nani mihtam ra mangkan ba purara dawanka baku kaia lika apia, sakuna tânka nani mariki bas daukankam ba ni sin.

1 Pita 5:3 ပူးပေါင်းရင်းမြစ်များ

Lawana Nani 33:12

Lilia pali sa baha uplika Dawan mita witin nani ai Dawanka aimaki ba, witin mita ai uplika nani kaia bâk sakan ba.

Lawana Nani 74:2

Man uplikam ra kupiam krauki bas, tâ pali wina bâk saki briram ba, baha nani atki saki briram, man uplikam kaia; Saion ilka ra kupiam krauks man bahara iwi katma ba

Isikiel 34:4

Man nani sîp swapni takan ba tâ baikras, siknis nani ba rakras, mina kriwanka ba sin blakras, tnaya ra tawuya nani ba kli brih balras, tiwuya nani ba sin plikras, kuna karna lâka ni munisma.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Kulki Kaikanka 18:7

sakuna man nani bara luhpiam nani baman sip sma prîs warkka ba daukaia, baha kîa pain angkaia watlika ra, kwala paman ba nina tani ra; baha warkka nani ba man nani mihtam ra sa, bamna prîs warkka daukaia yang mita mihtam ra mangkri. Ani uplika prîs apia, sakuna ban prîs warkka daukbia kaka, witin ba pruaia pâtka ra lakan kabia.”

Jan 13:15

Yang bui man nani ra tânka kum mamrikri, baha sim natka ba kat man nani daukma.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

1 Korint 11:11

Ban sakuna, wan kristian rayaka ra, waitna ba mairin âpu sip iwras sa, bara mairin ba sin waitna âpu sip iwras.

1 Korint 3:5

Bamna, ¿Pal ba ya?, ¿bara Apolos ba ya? Yang nani lika Gâd dukia dadaukra nani baman sna, bara yang nani mita sika Dawan ra kasak luki banhram ba. Yang nani kumi bani lika Dawan wark aikan ba kat daukisna:

1 Korint 3:9

Yang nani lika wark uplika Gâd warkka ra asla pâna nani baku wark dauki banhwisna, bara man nani ba Gâd warkka dauki ba tasbaya baku banhwisma. Man nani ba sin, Gâd watla tara kum mâki ba baku banhwisma.

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

Kli Smalkanka 32:9

Jekob uplika nani ba Dawan dukia nani sa.

Pilipai 3:17

Muihki nani, man nani sut yang daukisna ba kat dauki bas. Yang nani mita man nani ra nina blikaia lâka kau pain ba maikri sa; baku bamna, baha nina bliki nani ba kat aman kaiks.

Pilipai 4:9

Diara nani man nani ra mai smalkri ba, maikatna ba, diara nani yang aisari walatma ba bara daukri kaikatma ba sin, baha sut dauki bas; man nani baha dauks, bara kupia kumi Gâdka ba man nani wal kabia.

1 Tesalonaika 1:7

Baku bamna, man nani ba Macedonia ra bara Acaya ra lalukra nani banhwi ba sut ra tânkam marikram, man nani baku kabia.

2 Tesalonaika 3:9

Yang nani kasak lâ bri kapri, man nani wina hilp makabaia, sakuna ban wark takri; yang nani baku daukri, man nani sim sât dauki kama dukiara.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

Taitus 2:7

Man pali mita, diara sut mapa ra tânkam wal witin nani ra lâ mariki bas. Baha nani ra smalkma, kunin âpu, sunu lâka ra bara pulan ra lika apia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.