1 Pita 5:14 - DAWAN BÎLA AISKA

¹⁴ Kristian latwanka ni pana pana lamkula wis kiawalanka kum wal. Kraist dukia nani sma ba sut, kupia kumi lâka bri bas.

1 Pita 5:14 ပူးပေါင်းရင်းမြစ်များ

Matiu 5:47

Bara muihkam nani ra baman lakula wisma kaka, ¿dîa pain daukisma? Kan Gâd ra kakaira apia nani ba sin baku daukisa.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 20:19

Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 20:26

Yu 8 luan ningkara, disaipil nani ba kli utla kum ra asla taki banhwan kan, bara naha piua lika Tamas sin baha nani tilara kan. Bamna dur nani ba sut prakan kan, sakuna Jisas ban dimi disaipil nani lilapas kat buan, lakula dauki, naku win: —¡Kupia kumi lâka man nani wal kabia!

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

Roman 16:16

Man nani sin pana pana holi lâka ra kiawali lamkula wis. Kraist sertska nani sut ba mita ai lakula man nani ra blikisa.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

1 Korint 1:30

Sakuna Gâd pali mita man nani ba Kraist Jisas wal asla mai prakan sa, bara baku sin daukan Kraist ba wan sinska lâka kabia, yawan na pâtkas wan kulkan kabia, sunu kaia bara swak takan lâka sin bri kaia.

1 Korint 16:20

Wan muihni sut mita lamkula blikisa. Pana pana lamkula wi bas, kiawalanka holikira ni.

2 Korint 13:12

Kiawalanka holi kum ni pana lamkula dauks. Kasak lukan lâka ra wan muihni nani sut ba mita ai lakula mai blikisa.

2 Korint 5:17

Baku bamna, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa.

Epesus 6:23

Bamna Gâd Aisa bara Dawan Jisas Kraist mita, wan muihni nani ra kupia kumi lâka bara latwan lâka yabia, kasak lukan lâka ba wal;

1 Tesalonaika 5:26

Wan muihni nani sut ra lakula wis kiawalanka holikira kum wal.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

3 Jan 1:14

Pat pali mai kaikamna baku sa, bara baha piua ra yawan wal aisabia.