1 Pita 5:12 - DAWAN BÎLA AISKA

¹² Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!

1 Pita 5:12 ပူးပေါင်းရင်းမြစ်များ

Jan 21:21

Pita baha disaipilka kaikan ba ra, Jisas ra makabi walan: —Dawan, ¿naha disaipilka na ra dîa takbia?

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Apastil Nani Sturka 15:22

Bamna apastil nani bara tâ uplika nani, bara serts aiska ba wilin takan, witin nani ai tila wina upla tila nani saki Antíoco kat blikaia, Pal bara Bernabé aikuki. Witin nani sakan ba lika Judas, nina wala Bernabé mâki ba, wala Silas, witinka waitna pain aihwa kulkan ba wan muihni nani tilara.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

1 Korint 15:1

Bara nanara, muihki nani, yang want sna swaki sakan sturka man nani ra mai smalkri ba, kupiam krauki kama. Baha smalkanka sika brisatma ba bara bahara bapi buisma.

2 Korint 1:19

Kan Kraist Jisas Gâd Luhpia ba tânka yang, Silvano bara Timoti kira man nani tilamra smalki banhwisna ba, apia sika “âu” ba “apia” ba, sakuna Kraist sika “âu” ba Gâd wina;

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

Epesus 3:3

Gâd ai tânka dahra prakan ra bri kan ba param marikan, yang pali ra sin aikan kaikri, pat bîla prahni mai ulbatna ba baku.

Epesus 6:21

Wan muihni latwankira Tíquico, witin lika Dawan warkka dadaukra painkira pali sa, bamna witin mita yang tâinka na bara dîa daukisna ba sut mai wibia.

Kolosi 1:7

Naha na wan latwankira Epafras mai smalkan, witinka ba yang nani aikuki wark takan, bara man nani sin witin ba Kraist dukia dadaukra painkira kulki banhwisma.

Kolosi 4:7

Bamna wan muihni latwankira Tíquico, witinka lika wark dadaukra painkira kan, bara yang wal Dawan dukia daukan ba mita yang tâinka nani sut pali witin mita man nani ra mai wibia.

Kolosi 4:9

Witin ba wal wan muihni latwankira bara kasakkira Onésimo sin auya; witinka lika man nani tilam pali wina sa. Dîa dîa nahara taki ba sut witin nani mita mai wibia.

1 Tesalonaika 1:1

Yang Pal, Silvano bara Timoti aikuki Tesalonaika tawanka sertska ra wan muihni nani bâra ba, naha wauhkataya na ulbisna, witinka nani Gâd Aisa wal asla ba bara Dawan Jisas Kraist wal sin. Gâd ai yamnika bara ai kupia kumi lâka man nani puramra laikbia.

2 Tesalonaika 1:1

Yang Pal, Silvano bara Timoti kat asla Tesalonaika tawanka sertska ra wan muihni nani bâra banhwi ba ra, naha wauhkataya ulbisna, witinka nani lika Gâd wan Aisa wal asla ba, bara Dawan Jisas Kraist wal sin.

Hibru Nani 13:22

Muihki nani, yang bui man nani ra mamkabisna, kupia kraukanka bîla nani na kupiam takaski kira wali kama, wauhkataya mai ulbri na uya yari apia sa bamna.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

1 Pita 4:10

Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.

2 Pita 1:12

Bahamna, yang baha diara nani ba dukiara man nani kupiam krauki ban kamna, naha sut na pat tânka brisma bara nanara sin man nani kasak bapi buisma lan mai daukan bamna.

2 Pita 2:15

Witin nani yabal wapni ba swin mita tiwi wataukisa. Beor luhpia prapit Balaam daukanka ba nina blikisa, bamna Balaam sika diara saura dauki lalah briaia baman luki kan;

3 Jan 1:12

Upla sut Demetrio dukiara pain baman aisisa, bara diara kasak ba sin, witin dukiara pain aisisa. Bamna yang nani sin baha witniska nani sna, bara man nani pain nu sma, yang nani lika diara kasak ba dukia nani sna ba.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.