1 Pita 4:12 - DAWAN BÎLA AISKA

¹² Muihki laitwankira nani, traika kaikanka tara nani man nani puramra aula ba dukiara aihka lukpara; baha ba diara tringsar kum mai takuya baku lika luki kapara.

1 Pita 4:12 ပူးပေါင်းရင်းမြစ်များ

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Aiseya 28:21

Kan Dawan aiklabia Perasim ilka ra aiklaban ba baku, Gabaón ilka bîla ra aiklabi kan wih kaikan ba baku, ai warkka ba daukaia dukiara, ai warkka aihkakira ba, warkka daukaia win ba yaka daukaia, ai warkka aihkakira ba daukaia.

Daniel 11:35

Baku sin upla nani ra smalki kan ba kum kum ra nina bliki rausauhkan kabia, baku mika tânka ba pliki kaikan kabia, sut ba holi bara kasak lâka daukbia, baha piua mangkan ba tnata alkbia ba kat.

1 Korint 10:13

Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

1 Korint 3:13

Upla bani warkka ba lâ daukan yua ra latan kaikbia; kan baha yua ba pauta klauhan wal kabia, bara pauta klauhan ba mita upla bani dîa sât warkka daukan sapa tânka trai kaikbia.

2 Timoti 3:12

Bamna kasak pali sa, ani uplika nani Kraist Jisas wal asla holikira iwaia want lukisa kaka, witin nani ba nina bliki rausauhkan kabia;

1 Pita 2:11

Laitwankira nani, man nani ra bik takisna, man nani naha tasba ra impapakra tringsar nani baku, wan wîna brinka nani wan sulka mapara aiklabi ba, dauki banhpara.

1 Pita 4:4

Nanara idan ba man nani bui witin nani ra baha taniska lâka kan uya dauki ai yula kahbras sma bamna, aihka lukisa, bara ba mita ninamra saura aisisa.

1 Pita 5:9

Kasakkam lukan lâka kat bapi, witin mapara bûi bas, kan man nani kaikisma muihkam nani sut tasba aiska ra sim pâtka nani wahwisa.