1 Pita 4:10 - DAWAN BÎLA AISKA

¹⁰ Kumi bani Gâd mita ai sinska yaban praiska kat ai uplika nani dukia dauki kaia sa, Gâd yamnika sât sât ba bisniska dadaukra painkira nani baku.

1 Pita 4:10 ပူးပေါင်းရင်းမြစ်များ

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Matiu 24:14

Bara naha king lâka sturka yamni na tasba aiska ra smalkan kabia, kuntri sut baha ba pain kaikbia dukiara; bâra lika tnata ba aimakbia.

Matiu 24:21

kan baha piua ra pât wahwanka nani manis kabia, bara bahmuna patitara piua wina âpu kan, tasba paskan wina, naika piua ra sin baku kabia apia.

Matiu 24:45

“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara.

Matiu 25:17

Baku sin, 2,000 brin ba, kau 2,000 pura sakan.

Matiu 25:44

Bara witin nani pana wibia: ‘Dawan, ¿ahkia yang nani plun mai dauki kan mai kaiki, apia kaka diran mai dauki kan, apia kaka tringsar baku, apia kaka kwala âpu, apia kaka siknis, apia kaka silak ra, bara hilp mai munras kapri?’

Mark 10:45

Kan Upla Luhpia Waitna ba sin balras upla mita dukia daukbia dukiara, sakuna upla dukia daukaia, bara rayaka sin yaia, upla ailal swaki sakaia ba mata.

Luk 12:42

Pana Dawan bila: “Bamna, ¿ya ba alba kasak sins aitani sin kat bri ba? Baha ba lika ai dawanka mita ai watla dukia aiska ba ai mihta ra mangkuya ba, suliar nani utla ra ba ra piua kat plun yabi kaia dukiara.

Luk 19:13

Kau taki waras ba ra, ai albika matawalsip paiwan balan, bara kumi bani ra lalah manakira pali kum mihta ra mangki, naku win: ‘Naha lalahka na wal man nani bisnis dauki bas, yang kli balamna ba kat.’

Luk 8:3

bara Cuza maya mairin ai nina ba Juana, waitnika ba lika Herod watla ra klark kata; wala ba Susana, bara mairin wala nani sin uya; witin nani lika Jisas ra bara disaipil nani ra dîa diara bri kan ba wina hilp muni kata.

Roman 15:25

Sakuna nanara pali yang lika Jerusalem ra auna, bara prisant kumi sin bri auna wan muihni nani bahara banhwi ba ra yaia.

Roman 15:27

Bamna witin nani mapara naha daukaia ba aitani lukata, kan witin nani lika baha uplika nani ra tras bri kan yaia. Ju uplika lalukra nani mita spirit warkka pain bukan ba Ju apia uplika nani aikuki yui brin, bara nanara aitani kan Macedonia bara Acaya uplika nani Ju lalukra nani ra wîna tara hilpka ba yaia.

1 Korint 15:10

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

1 Korint 3:10

Gâd mita sins aikan ba kat, yang lika utla papaskra wihta baku sna bara playa bapanka ba mangkri, bara upla wala baha purara paskisa. Sakuna kumi bani aman kaikaia sa, witin nahki baha purara paskisa sapa.

1 Korint 4:7

Bamna, ¿man ba ya mita upla wala nani purkara kau tara mai daukan sa ki? ¿Diara nani brisma ba sut, Gâd bui maikras kata ki? Bara witin bui maikan kaka, ¿dîa kan tara pulisma, diara nani brisma ba man mita saki briram kan baku?

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

2 Korint 9:1

Bamna kasak lukan lâka ra wan muihnika nani dukiara lalah sakan ba man nani ra yang ulbaia apia sna,

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Epesus 4:11

Bara upla nani ra prisant nani yan, tila nani apastil nani kaia, wala nani ra lika Gâd dahra aisaia, bara wala nani ra swaki sakan lâka sturka ba smalkaia, wala nani ra lika sepad nani bara smasmalkra nani kaia.

2 Timoti 1:18

Dawan mita yaka ai yamnika bri ba, witin bribia baha yua ra. Man pat pain kaikisma witin nahki hilp ai munan ba Epesus tawanka ra.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

1 Pita 5:10

Sakuna piu wiria pât wauhram kabia ningkara, Gâd mita man nani ba aihwakira, dutki pali, karna kasak pali mai daukbia. Baha sim Gâdka sika yamnika nani sut wanki ba, bara ai prana ban kaia bara wan dukia briaia wan paiwan sa, Jisas Kraist wal asla.

1 Pita 5:12

Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!