1 Pita 3:18 - DAWAN BÎLA AISKA

¹⁸ Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Pita 3:18 ပူးပေါင်းရင်းမြစ်များ

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Kulki Kaikanka 7:15

bîp wainhka luhpia kum, sîp kum, sîp wala kum mani kum bri ba, baha nani angki sakripais daukaia,

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Matiu 27:24

Pailat witin sip diara daukras kan kaikan, bara bin lika kau tara taki kan ba ra, adar yan lî bri sal yabia, bara upla sut mawanra ai mihta nani sikbi, win: —Naha waitnika pruaia pâtka na man nani daukisma; yang baha tilara âpu.

Jan 16:10

¿ya ba pât âpu uplika?: baha sika yang, Aisa ra auna ba, bara man nani kli ai kaikma apia;

Apastil Nani Sturka 22:14

Bara witin ai win: ‘Wan damika nani Gâdka ba mita kan piua wina man ba bâk saki mai brin ai kupia lâka tânka kaikaia, bara sin kaikma baha kasakkira ba, ai bîla pali wina sin diara walaia.

Apastil Nani Sturka 3:14

Baha uplika holikira bara kasakkira ba pri sakaia makabaia ba watlika ra, man nani upla saurakira pali kum ni pri sâkbia makabatma.

Roman 4:25

witin mita Jisas ba yan wan saurka tâwan pruan bara pruan wina kli buan, baku mika Gâd mita kasakkira wan kulkan kaia dukiara.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

2 Korint 13:4

Kasak pali witin ba swapnikira kum baku dus prihni ra saban, sakuna Gâd karnika ba mita ban kaia ra raya sa. Baku bamna yang nani sin witin wal asla swapnikira sna, kuna yang nani witin wal asla kamna kaka, Gâd karnika ra yang nani raya kamna man nani dukiam daukaia dukiara.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Epesus 3:12

Kraist bâk pri pali sa Gâd lamara yawan waia, witin ra kasak lukan lâka bri ba hilpka ra.

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

Hibru Nani 10:10

Jisas Kraist ba Gâd kupia lâka kat dauki, aima kumi baman ai wîna tara ba sakripais dauki yaban; baha ba aitani sa ban kaia ra; baku daukan bamna, Gâd yawan na saura lâka ba wina klin wan daukan sa.

Hibru Nani 9:14

Sakuna baku sa kaka, ¡Kraist tâlia ba kau karnika tara pali brisa! Ban kaia Spiritka bâk, Kraist witin ai wîna tara pali ba sakripais tâski âpu baku dauki, Gâd ra yaban. Witin ai tâlia ba mita wark bahki nani ba wina wan kupia dara walra ba klin daukisa, yawan bui Gâd rayakira dukia nani ba daukaia sip kabia dukiara.

Hibru Nani 9:26

kan baku kan kaka, tasba paskan piua ba wina witin aima ailal pruaia kan. Baku watlika ra, piua nani na pat aimaki na ra, Kraist ba aima kumi baman latan takan ba, baha ba ban kaia ra aitani sa.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

Jems 5:6

Pâtkas nani ra man nani mita pât ra dingki ikram, bara witin nani mampara sin buras kan.

1 Pita 3:19

Ai spiritka ra sin wih baha spiritka nani silak ra nani kan ba ra aisi smalkan.

1 Pita 4:1

Baha mita, Kraist ai wîna ra pât wahwan ba baku, man nani sin pât wahwaia wilin kaia sma. Kan ani uplika pât wahwan kaka, saurka ba mahka swin sa,

1 Pita 4:6

Bamna pruan nani ra sin sturi yamni ba aisi smalkan, witinka nani ba naha tasba ra upla wala nani ra lâka dauki ba baku lâka daukan kabia sakuna; witin nani ra aisi smalkan ai spiritka mapa ra Gâd raya ba baku banhwi kabia dukiara.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.