1 Pita 3:15 - DAWAN BÎLA AISKA

¹⁵ kuna kupiam nani ra Kraist ra Dawan kulki bas. Piu sut ridi bas, man nani diara bîla kaikanka brisma ba, ya ya mita tânka ba mamkabi walbia kaka, klir pali saki wiaia; sakuna baha ba bawikira bara kulkan lâka dauki bas.

1 Pita 3:15 ပူးပေါင်းရင်းမြစ်များ

Lawana Nani 119:46

Bara man lâmka bîla nani ba, king nani mawanra aisamni bara yang swiri brimna apia.

Sins Lâka 15:28

Upla kasakkira ba, nahki upla ra pana aisaia ba luki kaiki aisisa, sakuna upla watawikira nani ba, ai bîla wina diara saura nani saki yakabisa.

Sins Lâka 22:21

Lan mai daukaia mata kasak ba kakaira takma bara sip kama ai bîla kat ulbi yabaia ya mamkabi walbia kaka.

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 29:23

Kan ai luhpia nani ba kaikbia yang mihti warkka ba, witin nani ai tilara daukri ba, witin nani bui yang nini ba holikira kulkan kabia, witin nani Israel Gâdka sibrinka bribia.

Aiseya 41:21

Dawan, Jekob kingka witin aisisa: “Aidul nani, bal, man hilpkam aisas, dîa daukisma raitkam aisas.

Aiseya 5:16

Karnika sut bri Dawanka ba, lâ dauki bara ai karnika tara ba tânka marikbia; Gâd holikira ba, witin kasak kat lâ dauki ai holika ba marikbia.

Aiseya 8:12

“Mapara buanka lâka naha uplika nani aisi ba, man nani aisapara daukanka sut ba, mapara buanka lâka nani sa. Witin nani dîa sîa bri ba, baha sîa bripara, man nani sibrin sin mai daukbiara.

Kulki Kaikanka 20:12

Ban sakuna, Dawan bui Moses bara Eran wal ra win: —Baku man nani kasak ai lukras, Israel luhpia nani mawanra mayunra aiki banhras kapram bamna, naha uplika nani ra baha tasbaya yâri ba ra aikuki dimi banhma apia.

Kulki Kaikanka 27:14

kan man nani wâlsut bîli lulkram, Sin upla iwras tasbaya ra upla nani maipara aisin ba piua ra, bara witin nani lî makaban ba piua ra man nani bui yang ra bawi ai mayunras kapram. (Naha na Meribá laya kârma dukiara aisisa, baha lika Cadés ra ba, Sin upla iwras tasbaya ra.)

Apastil Nani Sturka 21:39

Bara Pal bila: —Yang lika Ju, Tarso wina, Cilicia kuntrika tawanka kumi kau tara kulkan ba wina. Sakuna, pliskam sans wiria aik upla nani ra aisaia.

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

Kolosi 1:5

latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.

Kolosi 4:6

Sturi nani aisisma ba sut sin pain bara auhni kabia, bara kaiki banhwi kaia sma, dîa upla ra pana aisaia sma ba.

Taitus 1:2

bara raya ban kaia lâka yawan wan kainara briaia bîla kaiki ba sin tânka bribia. Gâd, witin kunin aisaras ba mita, naha rayaka na pramis wan munan, kau tasba na tâ krikras kaina wina;

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

Hibru Nani 6:1

Baku bamna, yawan ban wan kainara wap, upla aitani pâwan nani baku takaia, Kraist smalkanka nani pas tâura wan smalkan ba wan ninara swih. Playa bapanka dukia nani ba yawan kli bapaia apia sa, bara baha sika prura ra wan brih wi ba, warkka nani ba swih wan kupia lakaia ba, Gâd ra kasak lukan lâka bri kaia ba,

1 Pita 1:17

Man nani bui Gâd ra puram sunisma ba ra, witin ra “Aisa” mâkisma, witinka upla mawan kulki kira lâ daukras ba, kumi bani dîa daukan ba kat lâka daukbia bamna; ba mita man nani naha tasba ra iwisma piua aiska ba, witin ra sibrinkira kaia sma.

1 Pita 3:2

kan witin nani kaikbia man nani wataukankam ba sunu kulkanka lâka bri ba.

1 Pita 3:4

Sakuna baku daukaia watlika ra, pramna ba kupiam bilara kaia sa; baha painka ba sip tiwras sa, bara baha lika wan spiritka praut âpu bara sâpkira ba sika, baha ba Gâd mawanra kau tara pali sa.

1 Samuil 12:7

Bahamna nanara man nani ridi taks, Dawan mawanra man nani wal aisaia sma, witin ai warkka nani sut man nani wal daukan ba, damikam nani wal sin yamni daukan ba hilp munaia.