1 Pita 3:14 - DAWAN BÎLA AISKA

¹⁴ Sakuna man nani rayakam wapni ba tâwan pât wahwi kama kra, kuna lilia kama. Upla kumi ra sin sîa yapara, si bripara,

1 Pita 3:14 ပူးပေါင်းရင်းမြစ်များ

Sins Lâka 3:25

Sirang tara, wan dara walras pât aula ba sibrinka ra lukpara, upla watawi nani purara sauhki tikaia lâka aula ba dukiara sin apia.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Jirimaya 1:8

Man upla kum ra sin sîa briaia apia sma, kan yang lika man wal kamna kainam sunaia. Yang, Dawankam, aisisna.”

Jirimaya 15:15

Dawan, man lika diara sut tânka brisma ba, ¡yang ra ai luki bas, bal hilp ai muns! ¡Waihli nani nini bliki ba man bui witin nani ra pana muns! Witin nani mapara man ban kupiam alki takaski kapara, witin nani ban yang ra ai ikbia; kaiks man tâmwan diara saura nani ai wi ba ban kupi alki takaskisna.

Isikiel 3:9

Daimans baku karna pali mai daukamni, walpa wal kau karna mai daukamni. Sîa yapara, sibrin sin mai daukbiara witin nani mawanra, mapara babura kabia sin.”

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Matiu 10:31

Baku bamna, si bripara; man nani lika daiwan tnawira lupia ailal purkara sma.

Matiu 10:39

Ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia ba, witin baha ba swaki sakan kabia.

Matiu 16:25

Bamna ya ya ai rayaka swaki sakaia lukbia ba, witin lika baha ba tikbia; sakuna ya yang tâiwan ai rayaka tikbia kaka, baha ba kli bribia.

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Mark 10:29

Jisas pana win: —Kasak mai wisni: Ya ya yang dukira bara sturi yamni ba dukiara sin ai watla, ai muihni nani, ai lakra nani, ai aisika, ai yaptika, ai luhpia nani, ai tasbaya swisa kaka,

Mark 8:35

Kan ya ya ai rayaka swaki sakaia lukbia ba, baha lika tikbia. Sakuna ya ya yang tâiwan, bara smalkanki yamni ba tâwan sin ai rayaka tikbia kaka, witin lika swaki sâkbia.

Jan 14:1

“Man nani kupiam ra uya trabil taki luki kapara. Gâd ra bara yang ra sin kasak luki bas.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Apastil Nani Sturka 9:16

Yang mita witin ra marikamna nahki pât nani uya yang dukira wahwaia ba.”

2 Korint 12:10

Baha ba mita swapnika lâka nani wal lilia sna, swira paskan lâka nani, dîa dîa want kaia, rausauhkan lâka nani Kraist tâwan trabil nani brisna ba sin. Kan ani piua kau swapni sna kaka, kau karna sna baku daira walisna.

Pilipai 1:29

Kan Kraist ba mita man nani kasak baman lika lukras, sakuna witin tâwan sin pât wahwaia.

Jems 1:12

Ani uplika traika kaikanka trabilka mapara kasak luki bapi bûi ba, yamni pali sa; kan witin baha mapara kasak bapi bubia ningkara, raya kaia lâka ba kraun kum baku witin ra prisantka yaban kabia. Baha sika Gâd mita pramis munan, witin mita latwan kaiki uplika nani ra.

Jems 5:11

Kaiks, yawan na pât wahwi bapi buan nani ra, yamni kulkisa. Man nani Job bapi buanka ba pat walram, bara kaikram ningkara nahki munan ba Dawan mita; kan Dawan lika kupia swapni bara sin pihni pali sa.

1 Pita 3:6

Sara ba baku kan; witin Ebraham bîla kat wali dauki kan, bara witin ra sin “yang dawanki” win. Bara man nani ba witin luhpia mairin sma, diara yamni ba daukma kaka bara diara kumi ra sin sîa âpu kama.