1 Pita 2:2 - DAWAN BÎLA AISKA

² Tukta swap lupia bisiura aisubi takan baku, plun mai dauki ba, spirit tialka laya pali ba pliks, bara baha bâk di pâwma, bara swak takan lâka ba brima.

1 Pita 2:2 ပူးပေါင်းရင်းမြစ်များ

2 Samuil 23:5

Baha mita yang kiamki ba kitras Gâd wal bâra sa, witin ba yang wal lâ kum ban kaia lâka ba daukan sa, lâka aiska daukaia pat ulban sa, sip luras. Pura luaia lâka aiska ba witin bui yang ra aikisa bara yang brinki ba sin sut aikisa.

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Oseas 14:5

Israel purara diwas laya baku takaisna, witin ai tangnika nani sâkbia, tangni pihni nani baiwi baku. Wakia nani ba karna pâwbia, Líbano ilka ra dus nani ba baku;

Oseas 14:7

Israel kli tawi bal distiki ra iwbia; bara plawar pâwi baku pâwbia, wain kiwka baku tangnika baiwbia, Líbano wainka damnika kîa buki baku, witin ai sturka ba wauhi kabia.

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Matiu 18:3

win: —Kasak pali man nani ra mai wisni, man nani kupiam laki, tuktan lupia nani baku takras sma kaka, Gâd king aimaki lâka ra dimma apia.

Matiu 19:14

Sakuna Jisas bila: —Man nani swis tuktan nani ba yang ra balbia, witin nani ba takaskpara; kan Gâd king aimaki lâka ba witin nani baku ba uplika nani dukia sa.

Mark 10:15

Kasak pali mai wisna, ani uplika tuktan baku Gâd king aimaki lâka ba briras kaka, witin sip bahara dimbia apia.

Luk 18:17

Kasak pali mai wisna, ya Gâd king aimaki lâka ba tuktan sirpi nani baku briras kaka, bahara dimbia apia.

Roman 6:4

Baku bamna, tahbi wan sakan ba mita, Kraist wal pruanka ra wan bikan bara yawan pruan, witin wal kli buaia rayaka raya kumi brih iwi kaia dukiara, Kraist ba pruan nani tila wina Aisa karnika pranakira ba mita kli bukan ba baku.

1 Korint 14:20

Muihki nani, tuktan sirpi nani baku luki kapara. Saura daukaia mapa ra lika tuktan nani baku bas, sakuna lukankam mapa ra lika upla almuk nani baku bas.

Epesus 2:21

Bamna Kraist baha playka ba purara utla ba ai pliska kat kat bapan, ban tawa tawa tempel holikira kum takisa, Dawan wal asla lâka ra.

Epesus 4:15

Kau pain sa, latwan lâka spiritka ni yawan diara kasak baman aisi kaia, diara sut ra Kraist wal asla taki pâwi kaia sa, kan witinka sika wîna tara aiska lal ba.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

1 Pita 1:23

Bamna man nani kli aisubi takram sa, aisikam upla ba wina lika apia, kuna Gâd bîla raya iwi ban kaia ra bâra ba wina mika.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.