1 Pita 2:17 - DAWAN BÎLA AISKA

¹⁷ Upla sut ra kulki bas. Wan muihni nani ra latwan kaiks, Gâd ra sibrin bri banhwi bas, bara king ra sin kulki bas.

1 Pita 2:17 ပူးပေါင်းရင်းမြစ်များ

Blasi Sturka 20:11

Bara Ebraham pana witin ra win: —Yang lukri naha tasbaya ra Gâd ra kulkaia lâka ba âpu sa; bahamna yang mayi ba tâwan, yang ra ai ikbia luki, baha mita baku wîri.

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

Blasi Sturka 42:18

Sakuna yu yumhpa ba luan ningkara, Josep witin nani ra win: —Yang lika Gâd ra sibrin lukisni. Bamna man nani naha dauks bara pâtkam nani ba ban swih tikan kabia, bara baku raya banhwi kama.

1 Kronikas 29:20

Ningkara Debit upla nani ra win: “Nanara Dawan Gâdkam ra yamni wis.” Bamna upla nani sut bui Dawan ai aisika nani papaskrika ra yamni win; ningkara ai lal makupi banhwan bara Dawan king ra sin mayunan.

Lawana Nani 111:10

Sins lâka kau tara briaia ba lika, Dawan ra pain kulkaia lâka ba; witin ra kulkanka yabi nani ba, lâ wapni daukanka brisa. ¡Dawan ra mayunra ba ban kaia ra ban kabia!

Impakan Sturka 20:12

“Man aisikam bara man yaptikam sin pain kulki bas, baku man piuam yari bri kama, Dawan Gâdkam wina maikan ba tasbaya ra.

Sins Lâka 1:7

Dawan ra kulkaia lâka ba sins lâka tâ krikanka sika; taniskira nani ba, sins lâka bara diara wan smalkan ba bahki kulkisa.

Sins Lâka 23:17

Upla saurakira nani ra kupiam tumbiara, sakuna yu aiska Dawan sibrinka wal kama.

Sins Lâka 24:21

Luhpi, Gâd ra bara king ra sin sibrin luks; waihla nani ba wal asla kapara;

Smasmalkra 8:2

King adarka nani ba dauks, man baku Gâd nina mâki âu takram.

Libait Lâka 19:32

“Upla almuk mawanra, wapni bûi lakula wis. Dawan ra kulki ba tânka ba mariks. Yang sika Dawan.

Sakaraya 11:14

Baha ningkara dus wala nina “Asla kaia” mâkri ba sin krikri, baha tânka Juda Israel wal ai muihni kaia lâka ba sauhki tikan sa.

Matiu 22:21

Witin nani bila: —Wihta tara dukia. Bara Jisas bila: —Ban kaka, wihta tara dukia ba wihta tara ra yas, bara Gâd dukia ba Gâd ra yas.

Jan 13:35

Man nani pana pana walkam ra latwan kaikisma kaka, upla sut kaikbia man nani ba yang disaipilki nani sma.

Roman 12:10

Man nani muihkam ra, lamkra ra baku pana pana latwan kaiks, pain kulki yamni ba yabi bas.

Roman 13:7

Ya bani ra yabaia sma ba uplika ra yas. Dîa lal mana nani aibapaia brisma ba, mahka aibaps; dîa dîa lal mana kaka, yaura pain kulkaia kaka pain kulks, kulkanka bri ba kulkanka ba yas.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Epesus 5:21

Kraist ra kulki lâka ra, man nani pana pana walkam ra bawi bas.

Pilipai 2:3

Yakan dukiamra bara waihla lâka mita ban sin diara kumi daukpara; sakuna bawikira nani bas, bara kumi bani ai walka nani ba witin purkara kau pain sa kulkbia.

1 Timoti 6:1

Alba nani ba ai dawanka nani ra kasak kulkaia sa, bara baku upla kumi sin Gâd nina ra bara wan smalkanka ba mapara sin saura aisabia apia.

Hibru Nani 13:1

Man nani pana pana walkam nani aikuki, muihkam nani baku latwan lâka ba ban bri bas.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Pita 2:13

Dawan tâwan, upla mita wihta nani mangkan bani ra bawi bas: king ra, witin ba kau karnika tara brisa bamna,

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

1 Samuil 15:30

Saúl kli aisin: —Yang saura daukri, sakuna kau ban makabisna Israel almukka nani mawanra bara upla nani mawanra sin, man nani ban kau king baku ai kulki bas. Yawan kli tawi wap, Dawan Gâdkam ra mayunaia.