1 Pita 2:12 - DAWAN BÎLA AISKA

¹² Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

1 Pita 2:12 ပူးပေါင်းရင်းမြစ်များ

Lawana Nani 37:14

Upla watawi nani ai sordka ba taya wina sakisa, ai pantamangka awa ba aubi daukisa, umpira bara yuyakira nani ba batakaia, ¡baha nani ai yabalka ra wapni tauki yaba ikaia!

Lawana Nani 50:23

Ani uplika ai tingkika lâka dauki aiki ba, kulkanka lâka aikisa. ¡Bamna yang bui baha nani yabalki ra watauki nani ba swaki sakisna!”

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Daniel 6:4

Bamna pura kakaira nani bara wihta nani bui yabal kum plikan Daniel ba dahra kwahkaia, baha king tasbaya lâka kulkanka ba wal, ban sakuna Daniel ba waitna yamni kan ba mita, witin ra watawanka kumi sin sakras kan, baha mita dahra kwahkaia dukia diara kumi sin sip sakras kan.

Matiu 10:25

Sip sa sika disaipil ba ai smasmalkra wal baku takaia, aitani lukaia sa, bara alba ba sin ai dawanka wal baku kaia. Utla dawanka ba Bilsibub mâkisa kaka, ¿witin ai watla uplika nani ra lika kau nina sauhkbia apia ki?

Matiu 5:11

“Liliam pali bas man nani, mamwanra upla mita saura mai wibia, rau sin mai sauhkbia bara yang tâiwan saura mai munbia kunin lâka ra.

Matiu 5:16

Baku sin, man nani yarka ingnikam upla sut mawanra ingbia, bara diara yamni dauki banhwisma ba kaiki, witin nani mita kasbrika purara bâra ba mayunbia.

Matiu 9:8

Upla nani naha kaikan ba ra, sirang iwi banhwan, bara Gâd ra mayunan upla nani ra baku karnika yaban ba dukiara.

Luk 1:68

“¡Dawan ba yamni pali kabia, witinka Israel Gâdka ba, ai uplika nani ra swaki sakaia dukiara balan bamna!

Luk 19:44

bara ban tasba ra sin mai batakbia. Upla nani man ra iwi banhwi ba sut sin ikan kabia, bara man ra walpa kumi walpa wala purara ban swin kabia apia, Gâd mai swaki mai sakaia balan piua ra man mita tawi kaikras kapram ba mita.”

Luk 6:22

“Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Jan 13:31

Judas mahka taki wan ba ra, Jisas bila: —Nanara sika Upla Luhpia Waitna prana ba param marikan kabia, bara witin bâk Gâd prana ba sin marikan kabia.

Apastil Nani Sturka 15:14

Saiman Pita pat wan win, nahki Gâd Ju apia nani ra pas pali pain yamnika yan ba, bara witin nani tila wina sin bâk saki brin ai uplika nani kaia.

Apastil Nani Sturka 24:13

Naha uplika nani daihra kwahki na, kumi yang tâinka ba param sip mai wibia apia.

Apastil Nani Sturka 25:7

Pal ba dimi balan ba ra, Ju nani Jerusalem wina aidrubi balan kan ba witin tnaya ra kir bal buan, bara mahka Pal dahra kwahki diara saura manis aisin. Sakuna baha tânka nani sut lika param apia kan.

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

Roman 13:13

Kakna ra wataukaia ba baku, painkira wataukpi. Yawan bla takbiara, bin dauki plun papira kabiara, tâski lâka daukbiara, lâkas tara baku taukbiara, unsabaia bara misbara lâka sin bribiara.

Roman 14:18

Ya naha natka ra Kraist dukia dauki ba, witin ra Gâd mita pain kaikisa bara upla nani mita sin.

Roman 15:9

Kraist sin balan Ju apia uplika nani sin Gâd ra mayunaia ai kupia pihni ba mita, Ulbanka wi ba baku: “Baha mita Ju apia uplika nani tilara dimi mamyunamni, lawana nani sin man ninam ra aiwanamni.”

1 Korint 14:25

Baku ai kupia dahra prakanka nani ba latan takbia, bara ai lula kriki Gâd ra ai pura suni mayunbia, bara aisabia kasak pali Gâd ba man nani tilamra sa.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 13:7

Yang nani puri sunisni, man nani diara saura kumi sin daukma apia ba mata, naha na yang nani raitki brisna ba marikaia lika apia, sakuna brin wan daukisa man nani diara pain dauki kama; wan kupia lukras man nani mampara yang nani raitki âpu kabia sin.

2 Korint 8:21

Bamna yang nani brin ai daukisa diara sut ba lâ kat pain daukaia, Dawan mawanra baman apia, sakuna upla nani mawanra sin.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Epesus 4:22

Bamna man nani blasi natkam almuk ra iwi katma lâka ba mahka swis, kan baha daukanka mita mai sauhkisa, bara ai brinka saura ba ni kunin mai munisa.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Tesalonaika 4:12

Naku dauki banhma kaka, lalukra apia nani ba kulkanka maikbia, bara diara kumi sin luha kama apia.

1 Timoti 2:2

Tâ bri nani bara wihta nani sin sut ba pura sunaia sa, yawan wan rayaka na sâpkira bara kupia kumi lâka bri kabia; bara baha ba aiska pali Gâd ra yabi, bara sins lâka kat brih iwi kaia.

1 Timoti 4:12

Wahma sma ba ra wisi, upla nani mita yarka mai kulkras kabiara; sakuna tânkam ba ni lalukra nani ra lâ yabi bas, bîlam aisisma ba wal, taukisma ba wal, latwan lâka, kasak lukan lâka bara sunu lâka ni sin.

1 Timoti 5:10

Witin nani diara yamni nani daukan ba mita, upla nani bui kakaira kaia sa: ai luhpia nani pain pakan kaka, ai watla ra upla nani wan ba aikuki pain kan kaka, kristian nani mina nani sikban kaka, trabil bri nani ra hilp munan sa, apia kaka wark yamni wala nani daukan sa kaka sin.

Hibru Nani 13:18

Yang nani dukira puram suni bas. Kasak luki banhwisni yang nani kupi dahra walra na wapni pali brisni, yang nani diara sut mapara yang nani pain tauki kaia want sna bamna.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”

Jems 3:13

Man nani tilamra upla sinskira bara diara tânka kakaira kum bâra sa kaka, latan marikbia witin wapni tauki ba lâka ni, ai sinska mita bawikira lâka yabi ba ni.

1 Pita 2:15

Kan Gâd lika want sa, man nani diara yamni ba daukma, diara lan âpu nani bara sins âpu nani bîla prakaia dukiara.

1 Pita 3:16

Kupiam dara walra nani ba klir bri bas, bara baku mika ya ya mita man nani Kraist nina blablikra, yamni wataukisma ba mampara saura aisabia ba, ai bîla nani aisuya ba dukiara ai swira lukbia.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

2 Pita 3:11

Baku diara nani sut na âpu daukan kaia sa kaka, ¡luki kaiks nahki holikira bara Gâd ra luki tauki kaia sma ba!

Rut 3:14

Bara Rut baha tihmia aiska Booz minakla kat yapi lalawan. Lalma kahbi kan kau puk ba ra witin buan, kan Booz bila win: “Upla kaikaia apia sa naha mairin insla ra balan kan ba.”