1 Kronikas 9:1 - DAWAN BÎLA AISKA

¹ Israel kiamka nani ba naku Israel kingka nani wauhkataya ra ulbi mangkan kata. Sakuna Juda uplika nani saurka daukan ba tâwan, Babilon ra blikan wan.

1 Kronikas 9:1 ပူးပေါင်းရင်းမြစ်များ

1 King Nani 14:19

Jeroboam sturka nani ba bara war aiklabanka, witin nahki king aimakan ba, Israel kingka nani sturka ulban wauhkataya ra sut ulbi mangkan sa.

2 King Nani 24:14

Bara Jerusalem uplika nani ba sut alki, alba lâka ra brih wan, wihta nani wina aiklaklabrika kau pain nani ba sin sut pali alkan, alsut ba ra 10,000 silak ra alki brih wan, ai mihta warkka dadaukra nani bara ayan warkka dadaukra nani sin sut. Kuntri ra upla kumi sin takaskras, sakuna upla kau umpira nani ba lika brih waras kan.

2 King Nani 24:15

Baku sin Nabucodonosor mita king Joaquín ba alki brih wan ai maya, ai wihtka nani, upla wala tara nani bâra kan ba sin sut alkan bara Jerusalem wina Babilon ra brih wan.

2 King Nani 24:16

Bara war uplika nani baman 7,000; ai mihta warkka papaskra nani bara ayan warkka dadaukra nani sut ba ra, 1,000 alkan kata; baha purkara war aiklaklabra nani karnira bâra kan ba sin sut alki, Babilon ra brih wan alba lâka ra.

1 Kronikas 8:40

Ulam luhpia nani ba war uplika kupia karnira nani kan, trisba lulkaia mapara âuya mâira pali kata, luhpia ailal pali brin, mulika nani sin ailal takan kata, asla sut ba ra 150 kan, witin nani sut ba lika Benjamín kiamka nani kata.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

Esdras 2:1

Naha sika Israel luhpia nani Juda tasbaya ra aisubi takan nani ba, king Nabucodonosor mita alki Babilon tasbaya ra brih wan kan ba, baha wina witin nani kli tawi Jerusalem ra balan, bara plis wala nani ra sin. Witin nani ai tâura aimaki balan Zorobabel, Jasua, Nihimaya, Seraías, Reelaías, Mardoqueo, Bilsán, Mispar, Bigvai, Rehúm bara Baaná sin, bara naku kata:

Esdras 2:59

Tel-mélah, Tel-harsá, Querub, Adón bara Imer wina balan nani ba, tasbaika wina balan sakuna sip ai aisika watla ba marikras kan, baku sin Israel kiamka sapa sin sip nu takras kan ba naha nani kata:

Nihimaya 11:1

Baha nisanka wihtka nani ba Jerusalem ra iwi banhwan; bara tawan uplika wala nani ba lika lat lulki kaikan upla pamali matawalsip ba wina, kumi baman sip kan Jerusalem tawanka ra iwaia, tawan holikira ba; bara uplika wala nani 9 pamali nani ba lika, tawan wala nani ra takaski iwaia kan.

Nihimaya 7:5

Gâd bui yang kupi ra mangkan, tawan uplika nani ba, wihta nani bara tawan uplika nani ba sut asla daukaia, bara upla nani bani kiamka kat nina nani wauhtaya ba ra laki kaikaia. Bara baha wauhkataya ra kiamka nani tâura balan nina nani ba kaikri, bara bahara naku ulban kan:

Nihimaya 7:64

Naha nani sika wauhtaya ra nina ulban sapa plikan sakuna sip sakras kan, ba mita prîs nani tila wina kangbi sakan.

Aiseya 3:2

Kupia sibrin âpu aiklabi nani ba, wihta nani, prapit ba, diara tânka kakaira ba, almuk nani ba,

Jirimaya 13:19

Négueb tawanka nani ba waihla mita kutban sa; upla kumi sin sip bahak luras sa. Juda uplika nani ba tasba wala ra brih wan, upla sut brih wan.

Jirimaya 39:9

Baha ningkara, Nebuzaradán king watla ra aihwawakra nani kamandantika ba mita, tawan uplika nani ba, wala nani sin Caldea uplika nani tilara kan ba, bara baku sin upla sut ba tasbaya wina saki Babilon ra brih wan.

Daniel 1:2

Dawan bui ban swin Nabucodonosor Juda kingka Jerusalem ra ba alkaia, bara sin Dawan watla ra diara nani bâra kan ba ailal pali saki briaia. Bara Nabucodonosor lika silak uplika nani ba sut Babilon ra kwahki brih wan, bara Gâd watla ra dukia nani kan ba bri si ai gâdka nani watla ra auhbi swin.