1 Kronikas 5:26 - DAWAN BÎLA AISKA

²⁶ Baha ba tâwan Israel Dawanka ba bui Pul ra kupia tuskan, witinka lika Asiria kingka, wibia sa kaka, Tiglat-piléser ra, witin bui Ruben bara Gad uplika nani ra bara baku sin Manasés kiamka bakriki kan ba sut alki brih wan ba: bara Halah, Habor, Hará bara Gozán awalka ba kat baha nani brih wan, bamna bahara banhwisa naiwa yua ba kat.

1 Kronikas 5:26 ပူးပေါင်းရင်းမြစ်များ

2 Samuil 24:1

Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

2 King Nani 15:19

Witin yua nani ra, Pul, Asiria kingka ba, tasbaya ra aiklabaia balan, bara Menahem ba ai kingka lâka ra ban swika iwi kabia wisi, silbar 33,000 kilo aibapan ai kingka lâka ra karnika yabaia dukiara.

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 16:7

Bara king Ahaz ba mita Tiglat-piléser Siria kingka ra ai tawanka tâwan aisin bîla twatwilkra nani ba blikan wan, bara win: “Yang na man dukiam dadaukra sna bara sin man luhpiam baku sna. Baku bamna, bal bara Siria kingka mihta wina bara Israel kingka mihta ba wina sin dakbi wan sâks, kan witin nani ba yang maipara aiklabaisa.”

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

2 King Nani 18:11

Bara Asiria kingka bui Israel luhpia nani ba alki alba lâka ra Asiria ra brih wan, bara Halah tawanka ra yaban iwan, Habor tasbaika ra, Gozán awalka lama kat swin bâra kan, bara naha na Media uplika nani tawanka kan.

2 King Nani 19:12

¿Yang damiki nani tawan sauhki tikan piua ra, gâdkam nani mita swaki sakan ki, naha ba Gozán, Harán, Résef, Bet-edén uplika nani Telasar ra iwi kan nani ba?

1 Kronikas 5:22

Waihla nani ailal pali pruan kan, baha warkka ba Dawan wina kan ba mita. Bara bahara takaski iwi banhwan, alki brih wan piua ba kat.

1 Kronikas 9:1

Israel kiamka nani ba naku Israel kingka nani wauhkataya ra ulbi mangkan kata. Sakuna Juda uplika nani saurka daukan ba tâwan, Babilon ra blikan wan.

2 Kronikas 28:20

Tiglat-piléser, Asiria kingka ba, Ahaz mapara wan, bara tâ baikaia watlika ra, kau ni pât dingkan.

2 Kronikas 30:6

Baku bamna, maisa papakra nani blikan wan Israel bara Juda aiska ra, king wina bara king warkka tâ uplika nani ba wina wauhtaya nani wal, king adar yan ba upla nani ra wibia dukiara: “Israel luhpia nani, Ebraham, Aisak bara Israel Dawan Gâdka ra taws, bara witin sin man nani ra tawbia, upla kulki Asiria kingka mihta wina swak takan ba.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

Esdras 1:5

Bahamna Juda bara Benjamín watla wihtka nani, prîs nani, Libait nani, baha nani sut ra Gâd mita spiritka ra tatukbi bukan, Jerusalem ra waia Dawan watla ba mâkaia.

Aiseya 37:12

¿Yang damiki nani, upla sât wala nani uya sauhki tikan ba, gâdkam nani mita swaki sakan ki: Gozán, Harán, Résef, Bet-edén uplika nani Telasar ra iwi kata ba?

Aiseya 37:18

Dawan, kasak sa Asiria kingka nani ba nisan ailal tasbaika nani sauhki tikan.