1 Kronikas 5:25 - DAWAN BÎLA AISKA

²⁵ Sakuna ai damika nani Dawanka mapara bûi banhwan, saura sin daukan, baha uplika nani gâd bahki nani bâra kan ra mayunra yaban ba, Dawan bui sauhki tikan kan ba tawan aiska mawanra.

1 Kronikas 5:25 ပူးပေါင်းရင်းမြစ်များ

2 King Nani 15:19

Witin yua nani ra, Pul, Asiria kingka ba, tasbaya ra aiklabaia balan, bara Menahem ba ai kingka lâka ra ban swika iwi kabia wisi, silbar 33,000 kilo aibapan ai kingka lâka ra karnika yabaia dukiara.

1 Kronikas 5:24

Ai pamalika lalka nani kan ba naha nani kata: Éfer, Isí, Eliel, Azriel, Jirimaya, Hodavías bara Jahdiel, baha nani sut ba war waitnika kupia karnira nani kan, upla ailal bui kulkanka yabi kan bara ai kiamka nani lalka sin kan.

1 Kronikas 9:1

Israel kiamka nani ba naku Israel kingka nani wauhkataya ra ulbi mangkan kata. Sakuna Juda uplika nani saurka daukan ba tâwan, Babilon ra blikan wan.

Impakan Sturka 34:15

“Baha tasbaya ra iwi uplika nani wal lâ kumi sin daukpara. ban kra witin nani gâd bahki nani bri ba ra ai pura sunbia lika, baha gâdka bahki nani ra sin diara angki yabia ba ra, man nani ra sin mai paiwbia baha gâdka ra angki yan ba wina piaia,

Oseas 1:2

Dawan ai bîla smalkanka ba, naku tâ krikan, witin Oseas bâk wiaia want kan: “Israel luhpia nani ba rug mairin takan, yang wina tnaya ra tawi. Bamna man sin baku natka ra was, bara yabal mairka kum mayam bris, bara witin wal luhpiam nani sâks; bara baha nani sut ba, rug mairin luhpia nani takbia.”

Oseas 9:1

Israel, man nani lilia kapara; upla wala nani baku, âmyapah pali srutwi kapara, man bui Dawankam ba lulki swiram bara ur takram, plawar mâ taya saki ba watla ra ur takisma mana, mamna briaia lihkisma.

Param Marikanka 17:5

Ai lal purara sin dahra prakan nina kum ulbi bri kan: “Babilon tara ba, mairin rugkira nani yaptika bara tasba ra misbara lâka nani ba sut yaptika sin kan.”

Wihta Nani 2:12

Witin nani Dawan ba swin, ai damika nani Gâdka, Idsip wina witin nani ra saki bri balata ba. Bara upla nani witin nani ai lamara kir iwi kan ba mihta ra kauhan, bara baha nani gâdka nani ra mahka mayunan, bara baku witin nani Dawan kupia sauhkan.

Wihta Nani 2:17

Sakuna Israel luhpia nani ba baha wihta nani ba bîla walras kan, witin nani Dawan bîla wali daukras bara gâd wala nani ra witin nani mayunan. Witin nani ai damika nani lika Dawan lâka bîla nani ba wali daukan, sakuna ai luhpia nani lika, witin nani daukanka natka nani nina blikras kan.

Wihta Nani 8:33

Gedeón pruan ba ningkara, Israel luhpia nani Dawan ra mayunras kli swin. Baal lilka nani sât sât daukan bahara ai pura sunaia dukiara, bara Baal-berit ba witin ai gâdka bâk saki brin.