1 Kronikas 3:2 - DAWAN BÎLA AISKA

² yumhpika ba, Absalón, Maacá luhpia ba, Talmai luhpia mairin kan ba wina, Guesur kingka ba; walhwalka ba, Adonías, Haguit luhpia ba;

1 Kronikas 3:2 ပူးပေါင်းရင်းမြစ်များ

2 Samuil 13:1

Absalón, Debit luhpia ba, ai lakra kum bri kan mairin painkira, nina Tamar. Bamna Amnón Debit luhpia waitna ba ai lakra ra latwan kaikan,

2 Samuil 14:23

Baha wina Joab buan bara Guesur ra wan, Absalón ba Jerusalem ra ba bri balaia.

2 Samuil 14:32

Absalón pana witin ra win: —Yang bui man ra bîli blikri nâra balaia bara king ra mai blikaia, yang bîli witin ra wiaia, witin bui yang ra diara ai wiaia âpu kan kaka, dîa muni Guesur wina ai bri balan; kanra yamni kaia kan balras bâra katna kaka. King ba wal aisaia want sna, yang na diara kum tâka pâtkira sna kaka witin ai ikbia.

2 Samuil 15:8

King, naha man dukiam dadaukra na, Siria tasbaya Guesur ra iwi kapri ba ra, Dawan wal pramis takri, witin kli Jerusalem ra waia sanska aikbia kaka, yang bui witin ra pura sunra dauki mayunaia kapri.

2 Samuil 18:14

Joab pana witin ra win: —Yang lika man wal kau taimki tikaia apia sna. Bamna witin langsa yumhpa brin, bara yumhpika sut Absalón kupia kat saban, witin kau raya kan usupum dusa ra aipami.

2 Samuil 18:18

Absalón kau raya kan piua ra, witin ai lilka kum walpa ni yan daukan king tasbaya langnika ra, baha ra ai nina ulban, witin ba luhpias kan ba mita baha yan daukan. Bara nanara kat ban baku mâkisa ‘‘Absalón lilka’’.

2 Samuil 18:33

King ba pat ai dara walan dîa takan ba, bamna get purara rum kum ba ra ulan, bara mahka inan. Wapi ini aisi kan: “¡Yang luhpi Absalón! ¡Yang luhpi Absalón! ¡Yang luhpi! ¡Yang ni man wamtlika ra pruaia kapri! ¡Luhpi Absalón, yang luhpi!”

2 Samuil 3:3

ningkara ba Quilab, Abigail Carmel wina, Nabal piarkika luhpia waitna; yumhpika ba Absalón, yaptika Maacá, king Talmai Guesur wina ba luhpia mairin;

2 Samuil 3:4

walhwalka ba Adonías, Haguit luhpia waitna; matsipka ba Sefatías, Abital luhpia waitna;

1 King Nani 1:5

Bamna Haguit luhpia waitna Adonías, witin yakan tit bûi aisin witin ba king aimakbia. Bara wagin nani, aras ulaia uplika nani ridi daukan, baku sin waitna nani 50 sakan ai kainara impaki waia.

1 King Nani 1:6

Bara ai rayaka yua sut ra, ai aisika bui diara wiras kata dîa muni baku dauki ba. Baha purkara witin ba waitna ai mawan pain pali bri kan, witin na sin Absalón ningkara aisubi takan kata.

1 King Nani 2:22

King Salaman ai yaptika ra pana aisi, win: —¿Dîa muni Abisag sunamita mairin ba Adonías maya kabia wisi makabisma? Baha wal man ai wisma king lâka na sin witin ra yamna, kan witin ba muihki almuk bamna. Witin pat brisa prîs Abiatar bara Joab Seruiá luhpia ba sin.

1 Kronikas 2:23

Sakuna Guesur bara Aram wal bui Jaír kiampka nani kan ba dakbi brin, bara Quenat ra iwi kan nani ba sin sut, bara tawan 60 nani kata. Naha nani sut lika Maquir kiamka nani, Galaad aisika kan ba.

1 Kronikas 3:1

Debit luhpia nani Hebrón ra aisubi takan ba naha nani kata: Almukka ba Amnón, Ahinóam luhpia, Jezreel wina ba; ningka ba Daniel, Abigail luhpia, witin lika Carmel wina ba;

1 Kronikas 3:3

matsipka ba, Sefatías, Abital luhpia; matlalkahbika ba Itream, Eglá luhpia, Debit maritka wala ba wina.

Jasua 13:13

Guesur bara Maacá uplika nani lika tawanka wina kangbi sakras Israel luhpia nani mita, sakuna Israel luhpia nani ai tilara ban yan iwisa naiwa kat.