1 Kronikas 24:3 - DAWAN BÎLA AISKA

³ Debit ba, Sadoc tâ baikanka wal, witinka Eleazar kiamka, bara Ehimélec tâ baikanka wal sin, witin lika Itamar kiamka, witin nani wark nani ba baiki saki banhwan, ai piua kat wark takaia dukiara.

1 Kronikas 24:3 ပူးပေါင်းရင်းမြစ်များ

2 Samuil 20:25

Sevá sturi âiulbra kan, Sadoc bara Abiatar wal ba lika prîs nani kan.

2 Samuil 8:17

Sadoc, Ahitub luhpia, bara Ahimélec, Abiatar luhpia, witin nani sut prîs atia kan; Seraías ba king watla sturi âiulbra kan.

1 King Nani 2:35

Bara king Joiadá luhpia Benaías ba, suldiar nani wihtka tara mangkan, bara Sadoc ba king mita prîs mangkan Abiatar watlika ra.

1 Kronikas 15:11

Ningkara Debit bui paiwan prîs Sadoc bara Abiatar wal ra bara Libait nani ra sin: Uriel, Asaías, Joel, Eliel bara Aminadab,

1 Kronikas 16:39

Baku sin prîs Sadoc bara prîs wala nani ba Gâd lâka auhbaia watla mawanra swin sunukira pliska ra, Gabaón ra,

1 Kronikas 18:16

Ahitub luhpia Sadoc bara Ahimélec wal ba lika napakan nani kata, Ahimélec ba Abiatar luhpia kan, bara witin nani ba prîs nani kata; Savsá lika sturi âiulbra kan,

1 Kronikas 24:31

Naha nani sin ai warkka nani ba kat brin, ai muihni Eran luhpia nani ba wal baku, Debit, Sadoc, Ahimélec bara prîs nani sut mawanra, baku sin Libait nani watla uplika nani mawanra.

1 Kronikas 24:4

Sakuna witin nani ai tânka brin Eleazar kiamka wina kau ailal kan, Itamar kiamka ba wal, bamna ai tilara baiki saki yuan bara 16 wihta nani sakan Eleazar kiamka wina, Itamar kiamka wina lika 8 baman sakan.

1 Kronikas 24:6

Ningkara âiulbra Semaías ba, witin ba Natanael luhpia bara Libait kum kata, ai nina nani ba ulbi mangkan king mawan kat, lalka nani mawanra, prîs Sadoc mawanra, Ahimélec Abiatar luhpia mawanra, bara prîs nani pamalika utla lalka bani mawanra bara Libait nani mawan kat sin. Wark ba lika ya ya dîa warkka briaia kan ba kat lukka ra saki kan. Eleazar kiamka nani lika aima kumi baman wark takaia kan.

2 Kronikas 8:14

Prîs nani ai awarka daukan, ai warkka daukaia dîa ai aisika Debit daukata baku, bara Libait nani ai warkka kat Dawan ra mayuni kan, bara prîs nani ra tâ baiki kan, dîa dauki ba sut ai piua kat. Baku sin dur main kakaira nani dur bani ra ai adarka kat aihwaki kan, baku sika daukan Gâd waitnika ba.

1 Samuil 21:1

Debit lika Nob ra wan, prîs Ahimélec kaikaia, bara witin tâ iwan taki balan witin wal prawaia, bara win: —¿Nahki kan yakan aulma, upla man yulam kahbras?