1 Kronikas 22:9 - DAWAN BÎLA AISKA

⁹ Sakuna man luhpa waitna kumi brima, witin lika kupia kumi waitnika kabia, baha purkara yang munrika ani ani pliska ra ai waihla nani bâra ba, witin wal kupia kumi bri kabia. Baha mita ai nina ba Salaman mâkan kabia. Sakuna witin ai yua ra Israel ra kupia kumi bara lamni lâka bâra kabia.

1 Kronikas 22:9 ပူးပေါင်းရင်းမြစ်များ

1 King Nani 1:13

King Debit ra was bara naku wis: ‘Wan Kingka sma ba, man albikam mairin ra pramis dauki wiram kata Salaman luhpiam waitna ba man ningkamra king aimakbia, bara witin king iwaika ra iwbia. ¿Bara dîa muni Adonías ba king aimakisa?’

1 King Nani 2:15

Bara witin bila: —Man tânka brisma king kaia lâka ba yang duki kan ba. Baha purkara, Israel luhpia nani ba yang bîli kaiki kan king aimakamna; ban sakuna king lâka ba yang wina ai dakbi muihki ra ni yan, kan baha ba Dawan wina sa bamna.

1 King Nani 3:7

Bara nanara, Dawan Gâdki, man mita papiki Debit watlika ra king kamna wisi ai mangkram. Bara yang na kau wahma sna, bamna yang tâinka pain briras nahki taki waia bara kli bal dimaia sna ba.

1 King Nani 4:20

Juda bara Israel wal ba ailal pali kata, sip kulki sakras, sim kabu un ra auhya mâ ba baku, plun sin ailal bri kan. Witin nani pih bara dih ai lilia bri banhwi kata.

1 King Nani 4:24

Bara witin lika Éufrates tasbaya muna tani aiska tâ aimaki kan, Tífsah wina ban Gaza kat, bara naha tasbaya kingka nani sut purara, bara ai tnaya aiska kir kupia kumi bri kan.

1 King Nani 4:25

Bara Salaman raya iwan piua ra, Juda bara Israel wal trabil âpu iwi kata, Dan wina Beerseba kat, ai wainka kiwka muhungka kat bara ai kwah damni dusa mununhta kat iwi kan.

1 King Nani 5:4

Sakuna nanara Dawan Gâdki mita tawan nani sut wal kupia kumi lâka aikan sa, waihli nani ba âpu sa, diara saura kumi âpu sa sibrinka lukaia.

1 King Nani 8:56

“¡Dawan ba yamni pali kabia, ai uplika Israel luhpia nani ra kupia kumi lâka yan ba, dîa witin pramis win ba kat! Dîa dîa witin ai albika Moses ra aisin ba kumi sin swiras, sut kat yan aimakan.

1 Kronikas 17:11

bara man rayakam yua tnata ba alki ba ra pruma, yang bui man kiamkam wina kumi saki bukamna, bara kingkam lâka ba lubia apia.

1 Kronikas 22:18

“Dawan Gâdkam ba man nani wal sa, bara tasba aiska ra kupia kumi lâka maikan sa, witin bui sika tasba aiska ba mihtam ra mangkan sa, bara tasba aiska na Dawan mihta ra sa bara ai upla nani ba sin.

2 Kronikas 6:15

Papiki Debit ra dîa daukaia wiram ba kat pali daukram sa, man bîlam pali ni wiram bara mihtam pali ni dauki tnata alkram, naiwa yua diara taki na.

Job 34:29

Bara Gâd ba sâp kabia kaka, ¿ya mita witin ba pâtkira sa wibia? Ai mawan ba yukukbia kaka, ¿ya ai mawan ba kaikbia ki? Witin bui tawan sut dukiara aihwakisa, upla kumi bani dukiara sim baku.

Lawana Nani 72:1

Man, Gâd, king ra kasakka lâka bara diara wapni daukaia ba yas,

Lawana Nani 72:7

Kupia kumi lâka bara wapni kaia lâka, king aimaki piua nani ba sut ra, kati ba kasbrika purara âpu takbia ba kat ban kabia.

Aiseya 26:12

Dawan, man bui yawan ra wan kupia kumi lâka ba wankma; kan man sika yawan wan warkka nani sut daukisma.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.

Aiseya 57:19

Bara baha upla sut ra wimni: ‘Kupi kumi lâka laihura nani ba ra, laimara nani ba sut ra sin kupia kumi lâka. ¡Bara yang upliki nani ra rakamni!’

Aiseya 66:12

Kan yang Dawan sna ba, naku wisni: Yang bui witin ai purara kupia kumi lâka durka ba sakamna, awala kum baku, bara nisan nani dukia kukan ba, lî kârma nani iswi taki ba baku takbia. Bara man nani baha tialka laya ba dima, witin ai klahkla nani ra mai twilkbia, ai kuhma purara sin mai klâkan kabia.

Hageo 2:9

Tempel raya na kau pranakira kabia, almuk kata ba wal. Bara naha tasbaya ra kupia kumi lâka briaia daukamni. Karnika sut brisna Dawanka, yang kasak aisisna.”

Wihta Nani 6:24

Bara Gedeón baha tasbaya ra altar kumi paskan, bara Dawan ra pain kulkan lâka yabaia bahara ai pura sunan, bara altar nina ba ‘‘Dawan ba kupia kumi lâka’’ mâkan. Naha altarka ba naiwa kat Ofrá ra kau ban bâra sa, baha lika Abiézer masraka nani tawanka tara ba.