1 Kronikas 22:5 - DAWAN BÎLA AISKA

⁵ Bara Debit luki kaikan: “Yang luhpi Salaman ba kau tuktan sa, mani wiria baman brisa, bara Dawan tempelka mâkaia ba lika tara pali kaia, upla sut bui sin yamni kulkan kaia tasba aiska ra; baku bamna, diara sut wapnika dauki swimna.” Baku ba mita, Debit lika witin kau pruras kan ba ra, diara ailal pali wapni dauki swin kata.

1 Kronikas 22:5 ပူးပေါင်းရင်းမြစ်များ

1 King Nani 3:7

Bara nanara, Dawan Gâdki, man mita papiki Debit watlika ra king kamna wisi ai mangkram. Bara yang na kau wahma sna, bamna yang tâinka pain briras nahki taki waia bara kli bal dimaia sna ba.

1 King Nani 9:8

Bara naha tempelka na sauhki tikanka tara kabia, bara upla nani bui wih kaiki tâ iwi bara lawaska kiki wibia, dîa muni Dawan naku pali naha tasbaya ra daukan bara naha watla ra sin.

1 Kronikas 29:1

Baha ningkara aidrubanka aiska ra king Debit bui win: “Luhpi Salaman baman sa Dawan bui bâk sakan ba, witin wahma pali sa, mani kulki baman brisa, sakuna wark na lika tara pali sa, kan tempel ba upla dukia apia sa, sakuna baha ba Dawan dukia sa.

2 Kronikas 13:7

Bara witin ra asla takan kata, waitna sringwaskira nani, lukan saura bri nani ba, bara Roboam mapara buan, witinka Salaman luhpia ba, kan witin ba wahma kan bara lukanka swapni kan. Baha mita karnika âpu kan ai waihla nani mapara buaia.

2 Kronikas 2:4

Man kaiks, yang Dawan Gâdki tempelka mâkaisna, bahara witin ra mayunra yabaia, kîa yamni nani angki brit nani painka ra tibil ra kahbaia bara ai piua kat Dawan ra tingki wiaia, titan ra bara tutni ra, daiwanka aiska angkaia ris yua nani ra, kati raya bara yua wala nani ra sin wan Dawan ra mayuni kulkaia, Israel luhpia nani tilara dauki ba baku.

2 Kronikas 2:5

Yang tempel watla mâkaisna ba tara kaia sa, kan wan Gâdka ba tara sa, gâd wala nani ba wal.

2 Kronikas 2:8

Líbano wina sin yang ra yalam tatka, saiprus dusa nani bara dus lalahni kîa painkira nani ai blîks. Kaikisni uplikam nani ba Líbano dusa nani ba klakaia lan sa. Bara yang upliki nani ba man uplikam nani ra hilp munbia,

2 Kronikas 7:21

Bara naha tempelka pranakira pali na, slingbi pura paski swin kabia, bara naha lamak lubia uplika bani ba wibia dîa kan Dawan ba naha tawanka bara watla wal baku daukan.

Esdras 3:12

Bara prîs nani, Libait nani bara utla lalka nani manis pat almuk nani ba, witin nani tempel almuk ba kakaira kan, baha mita ai bîla baikra tara saki ini banhwi kata, kan witin nani kaikisa tempel ba kli raya mâkuya ba dukiara; sakuna wala nani lika lilia mita ai pura wini banhwi kan.

Sins Lâka 4:3

Kan yang na sin luhpa waitna kum katna, yaptiki bui aihka painkira latwan ai kaiki kata,

Smasmalkra 9:10

Bara diara sut man mihtam ra ba mahka alki dauks, karnikam aiska ba wal; kan raiti ra wama lika bahara diara kumi sip daukras, bahara diara kumi sin man lukras, diara tânka briaia âpu bara sins lâka sin âpu.

Aiseya 64:11

Yawan wan pura sunaia watla holikira ba, baha yawan wan prana kata ba, baha bilara yang nani damiki nani man ra mamyuni kata; baha sut nanara pauta ra angkan. ¡Baku sin yawan wan dukia manakira kau pali pain kaiki kata!

Isikiel 7:20

Walpa klauhira prana ba mita sinskas lâka ba banhwan, bara baha wal yamni kaikaia apia aidulka lilka nani paskan kan. Baha mita yang walpa klauhira ba bahki daukamni.

Hageo 2:3

“Tempel almuk pranakira pali mâkan kan kaikan uplika nani ba, nanara yawan raya bri na nahki kaiki ba wan wibia. ¿Almuk ba wal praki kaiki ba ra, naha raya na prana lika bahki sa apia?

Hageo 2:9

Tempel raya na kau pranakira kabia, almuk kata ba wal. Bara naha tasbaya ra kupia kumi lâka briaia daukamni. Karnika sut brisna Dawanka, yang kasak aisisna.”

Luk 21:5

Upla tila mita tempel ba dukiara aisi kan, tempel walpaya nahki painkira nani ba ni skahkan ba dukiara, bara diara sât sât upla nani ai prisantka yan kan ba dukiara sin. Bamna Jisas bila:

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 3:30

Witin ba kau tara takaia sa, sakuna yang lika kau mâyara tawaia sni.

Jan 9:4

Kau kakna na ra, ai blikan ba warkka yawan daukaia sa; kan tihmia ba aula, bara bahara upla sip wark daukras sa.