1 Kronikas 20:8 - DAWAN BÎLA AISKA

⁸ Naha waitnika nani kiamka tara ba, Réfah kiamka, Gat tawanka wina; ban sakuna, Debit bara ai suliarka nani mihta ra aimakan.

1 Kronikas 20:8 ပူးပေါင်းရင်းမြစ်များ

2 Samuil 21:16

bara waitna tarka tara kum bâra kan, nina Isbí-benob, Debit ra ikaia pliki kan. Ai langsika wirhika ba 66 paun pura bri kan, ai maisa ra sin sord raya kumi bri kan.

2 Samuil 21:22

Naha uplika tara nani walhwal ba sut, Réfah luhpia nani kan, Gat wina atia, sakuna sut Debit bara suliarka nani mihta ra kauhan.

1 Kronikas 20:7

sakuna Israel luhpia nani ba mistik tara takan, baha mita Janatan ra ikan, witinka lika Simá luhpia Debit muihnika ba.

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Roman 8:31

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Jasua 14:12

Baha mita mamkabisna, nanara aikma tasba il pîska tara nani ba, Dawan pramis ai munan ba kat. Man kaikisma Anac kiamka tara nani ba baha piua wina bahara iwisa, bara tawan tara nani ba brisa, karnika tara sin. Sakuna yang daira walisna Dawan bui yang ra tâi baiki hilp ai munbia baha wina kangbi sakaia, Dawan dîa ai win ba kat.”