1 Kronikas 17:8 - DAWAN BÎLA AISKA

⁸ Yang lika man wal katna ani ani ra waram piua ra, waihla nani man mampara balan ba sut âpu daukatna, ninam ba sin purara bukri, naha tasba ra tara kulkan uplika nani ba baku.

1 Kronikas 17:8 ပူးပေါင်းရင်းမြစ်များ

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

2 Samuil 22:1

Debit naha lawana Dawan ra aiwanan, Saúl mihta ra bara ai waihla nani sut mihta ra sin kauhaia kan ba wina, Dawan bui swaki sakan ba ra.

2 Samuil 7:9

Man wal wari, ani anira man waram ba, waihlam nani mampara buan ba sut yang bui âpu daukri, ninam mayunra tara maikri, naha tasba uplika tara nani ai mayunra bri ba baku.

2 Samuil 8:6

Ningkara Debit bui Damaskus Siria ra aiklaklabra daknika mangki swin. Siria uplika nani sin yan witin ra bawan, ai lal mana sin aibapaia kan. Baku bamna Debit ani anira wan ba, Dawan wina pura lui buaia karnika ba yan.

2 Samuil 8:8

Bras nani sin ailal pali dakbi brin Bétah wina bara Berotai wina sin, naha tawanka nani ba sut Hadad-ézer dukia kan.

1 Kronikas 14:17

Bamna ai sturka ba tasba bani ra plapi tawan, Dawan bui sin yan nisan wala nani sut bui sîa bri kan.

1 Kronikas 17:17

¡Bara naha na sin man mampara diara bahki baku sa, Dawan wan Gâd, bamna man nampakan watla ba wina aisaram, diara naika takaia kan ba bara man bui sin ai kaikram, yang na kau upla yamni baku!

1 Kronikas 17:2

Bara Natán bui pana win: —Bamna dîa dîa daukaia brin mai dauki ba kat dauks, kan Dawan ba man wal sa.

1 Kronikas 17:7

Baku bamna albiki Debit ra wis: Yang Dawan karnika sut brisna ba bîli: ‘Yang sika klar kutbanka ba wina mai sakri, daknika ba wina sin, Israel luhpia nani wihtka aimakaia.

1 Kronikas 17:9

Baha purkara, upliki Israel luhpia nani ra plis kum ridi sakri, bara baha pliska ba aihka sakri sa, witin nani bahara iwbia ai tasbaya pali baku; upla kumi bui sin pât munan kabia, kaina piua ra upla saura nani bui taibi bri kan ba baku kabia apia,

Esdras 4:20

Baku sin wisa, Jerusalem ra king karnakira nani bâra kan, bara Éufrates awala muna tani tasbaya nani ba ra sin baha nani ra taibi bri kan, bara witin nani ra diara nani sut ba lal mana kulkan aibapi kan.

Lawana Nani 18:1

Man, Dawan, yang karniki sma; ¡latwan mai kaikisni!

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Lawana Nani 71:21

tara ai kulki ban kama bara kli tawi maisi nihkma.

Lawana Nani 75:7

Sakuna Gâd sika lâ dadaukra ba; tila nani ra batakisa bara wala nani ra bukisa.

Luk 1:52

King nani ra ai iwaika wina yaban mâyara iwan bara bawikira nani ba lika purara bukan.

1 Samuil 18:14

Dawan ba Debit wal kan ba mita, diara sut witin dauki ba tilara lilia baman bri kan.

1 Samuil 18:28

Sakuna Saúl nâra param kaikan, Dawan Debit ra tâ baiki kan, Mical sin Debit ra latwan kaiki kan,

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.