1 Kronikas 17:16 - DAWAN BÎLA AISKA

¹⁶ Bamna king Debit lika Dawan mawanra dimi wan wal aisaia, bara win: “Dawan wan Gâdka, ¿yang na yamna, watla uplika ba sin yamna kan ki, naha pliska kat ai bri balram ba?

1 Kronikas 17:16 ပူးပေါင်းရင်းမြစ်များ

Blasi Sturka 32:10

Kupiam yamnika, kupiam pihni lâka nani sut man bui yang ra daukram ba, baha yamnika nani ba yang briaia aitani apia sna. Jordan awala na yang lui wari, bara brih waia dus kumi baman mihti ra bri katna. Bara nanara yang luhpi nani ailal pali, kiamp wâl pitka kat brisna.

2 Samuil 7:18

Bara king Debit bal diman tint watla ra Dawan lamara wal aisaia, bara aisin: “Dawan, ¿yang na ya sna ki, bara yang taiya nani ba sin ya, man mita yang nani na naha kat ai bri balaia?

2 King Nani 19:14

Bara Ezequías ba tawanka bîla twatwilkra nani mihta ba wina wauhkataya ba brin, bara aisi kaikan. Ningkara, Dawan watla ra wan, bara Ezequías wauhkataya ba Dawan lamara kwâki mangkan,

1 Kronikas 17:15

Natán bui naha diara sut na Debit ra maisa pakan, dîa pali kaikan bara walan ba sin.

1 Kronikas 17:17

¡Bara naha na sin man mampara diara bahki baku sa, Dawan wan Gâd, bamna man nampakan watla ba wina aisaram, diara naika takaia kan ba bara man bui sin ai kaikram, yang na kau upla yamni baku!

1 Kronikas 29:14

¿kan yang na ya, bara upliki nani ba sin ya kan, baku sip kan ba man ra ai kupia aiska ni diara maikaia? Bamna diara sut ba man dukiam sa, man wina dîa wankram ba wina man ra maiki banhwisna.

2 Kronikas 1:8

Salaman pana Dawan ra win: “Man bui yang aisiki Debit ra umpira kaikisma lâka ba tara marikram, bara man bui yang aisiki watlika ra king ai mangkram.

Lawana Nani 144:3

Dawan, ¿upla ba dîa sa, man bui witin dukiara luki kaia? ¿Dîa kan man upla ra latwan sma, upla ba dîa?

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.

2 Korint 1:10

Gâd bui yang nani ra swaki ai sakan bara kau ban sin swaki ai sakisa, prura pâtka tara ba wina. Yang nani kainira lukaia lâka ba witin kat mangki swiri sa, piua bani ban swaki ai saki kabia,

Epesus 3:8

Gâd uplika sirpi nani sut tilara, yang na kau sirpi pali sna; sakuna Gâd mita ban adar aikan, Kraist yuyaka sip kulki sakras ba, Ju apia uplika nani ra smalkaia.

Wihta Nani 6:15

Sakuna Gedeón kli pana aisin: —Dawan, kau aima kumi padin ai muns, ¿nahki muni yang bui Israel ba swaki sakamna? Manasés taika nani sut tilara, yang masraki nani ba kau umpira sa, bara yang kau sirpi sna taiya nani sut tilara.

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”

1 Samuil 9:21

Saúl bila pana win: —¡Sakuna yang lika Benjamín kiamka wina sna, Israel kiamka nani tila wina kau sirpi ba! Baha purkara, Benjamín kiamka aiska tilara yang taiya nani ba kau maura lupia sa. ¿Bara nahki baha bîla nani yang ra ai wima?