1 Kronikas 16:4 - DAWAN BÎLA AISKA

⁴ Debit bui Libait nani wahbi sakan Gâd lâka auhbaia watla mawanra wark dauki kaia, witin nani bui tâ briaia, kulkanka yabaia ba dukiara tingki wiaia, Dawan Israel Gâdka ra mayunaia ba sin.

1 Kronikas 16:4 ပူးပေါင်းရင်းမြစ်များ

Blasi Sturka 17:7

Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 32:28

—Ninam Jekob ba, ban baku mâki kabia apia. Nanara wina man ninam ba Israel mâkan kabia, kan Gâd wal bara upla wal sin aitwaki man ban pura luram bamna.

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

1 King Nani 8:15

Bara win: “Dawan ba yamni pali kabia, witinka Israel Gâdka ba, papiki Debit ra aisin ba, witin bui aiska sut daukan bamna. Bara witin ra win:

1 Kronikas 15:16

Baku sin, Libait tâ bri uplika nani ra Debit bui win, ai kiamka nani ba tila wina aiwawanra nani sâkbia, lilia binka daukaia dukia nani kira, tramhtram tara nani, lunglung tara nani, plit sirpi nani bara ai âuyapah kira kangbia bara lilia tukinka kabia.

1 Kronikas 16:3

Israel uplika sut ra yan, waitna bara mairin nani ra sin, brit kum, kwah mâ lâkan, dus mâ sirpi lâkan turtika daukan ba sin.

1 Kronikas 16:5

Lalka pali ba sika Asaf, witin ba wina wala ba Sakaraya, ningkara Jehiel, Semiramot, Jehiel, Matatías, Eliab, Benaías, Obed-edom bara Jehiel, witin nani arp, tramhtram, lunglung nani bri kata, Asaf lika plit sirpi nani ba pruki puli kata.

1 Kronikas 16:8

“¡Dawan ra tingki wi banhs! ¡Ai nina mâki wins! Ai uplika nani ra yas kaikbia ai warkka nani ba.

1 Kronikas 24:3

Debit ba, Sadoc tâ baikanka wal, witinka Eleazar kiamka, bara Ehimélec tâ baikanka wal sin, witin lika Itamar kiamka, witin nani wark nani ba baiki saki banhwan, ai piua kat wark takaia dukiara.

1 Kronikas 25:1

Bamna Debit bara prias watla ra wark lalka nani ba bui Asaf, Hemán bara Jedutún kat luhpia nani wahbi sakan, bara witin nani sika prapit kabia wisi arp, drum, plit sirpi nani pruki kira ni, naha waitnika nani sika baha warkka dukiara sakan kan ba.

1 Kronikas 6:31

Debit bui naha uplika nani na tempel ra lawana aiwani kabia wisi wahbi sakan, Gâd lâka auhbaia watla ba bri si tempel watla ra dingkan yua ba wina.

2 Kronikas 5:13

Witin nani sut asla taki trumpit nani ba sut kumi baku puhban, pan pruki, miusik pulaia dukia wala nani ba sin bin dauki mayuni Dawan ra tingki wih bara aiwani kan: “Man nani bui Dawan ra mayuns, kan witin yamni sa, kan ai latwanka lâka ban kaia ra sa.” Baha minitka kat, Dawan tempelka ba kasbrika ni banhwan,

Esdras 3:10

Bara tempel mâmakra nani ba mahka Dawan watla playka nani bapi kan yua ba, prîs nani ai prâka diman, bara lamara bûi kan bara trumpit nani sin puhban. Bara Asaf kiamka Libait nani ba lika bin daukaia pânka tara nani ba bri kan Dawan ra mayunaia dukiara, Israel kingka Debit dîa win ba kat daukaia.

Nihimaya 12:24

Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Lawana Nani 103:2

Dawan ba yamni sa wimni, sulki aiska ba wal; ai yamnika nani kumi sin, âiya tikamna apia.

Lawana Nani 105:5

Ai warkka tara bara aihkakira nani daukan ba dukiara kupiam krauki bas, witin bui lâ mangkan ba sin.

Lawana Nani 106:48

¡Dawan ba yamni pali kabia, witinka Israel Gâdka ba, ban kaia ra! ¡Upla sut wibia: “Baku kabia”! ¡Dawan ba mayunan kabia!

Lawana Nani 37:1

Kupiam sauhkpara watawikira nani diara dauki ba kaiki, man sin saura dadaukra nani ra tumpara.

Lawana Nani 70:1

Dawanki, ¡bal pri ai sâks! Dawan, ¡aihni muni bal hilp ai muns!

Lawana Nani 72:18

Gâd ba yamni pali sa, Dawan Israel Gâdka ba, witin yakan man sika diara tara nani daukisa;