1 Kronikas 15:16 - DAWAN BÎLA AISKA

¹⁶ Baku sin, Libait tâ bri uplika nani ra Debit bui win, ai kiamka nani ba tila wina aiwawanra nani sâkbia, lilia binka daukaia dukia nani kira, tramhtram tara nani, lunglung tara nani, plit sirpi nani bara ai âuyapah kira kangbia bara lilia tukinka kabia.

1 Kronikas 15:16 ပူးပေါင်းရင်းမြစ်များ

1 Kronikas 13:8

Debit bara Israel luhpia nani sut aikuki, Dawan kainara wapi ai tâ baiki srutwi puli auya kan, lilia binka sât sât dauki auya kan, arp nani, gitar, gitar tara nani, drum sirpi pruki, pân pruki ban, trumpit sin puhbi banhwi kan.

1 Kronikas 15:12

bara witin nani ra win: “Man nani ba Libait taika nani lalka nani sma, lâ ba kat sunu taki banhs tamya nani sut aikuki; baku mika sip kabia Gâd lâka auhbaia watla ba brih balaia, Israel Gâdka ba, baha pliska ridi daukri ba ra.

1 Kronikas 16:42

Naha nani ba lilia binka daukaia dukia nani ba kangbi kata: trumpit nani, plit sirpi nani bara kangbi pulaia dukia wala nani sin, Dawan ra aiwanaia dukiara tâ baiki dukia nani ba sin. Jedutún luhpia nani ba lika dur ra aihwaki banhwi kata.

1 Kronikas 16:5

Lalka pali ba sika Asaf, witin ba wina wala ba Sakaraya, ningkara Jehiel, Semiramot, Jehiel, Matatías, Eliab, Benaías, Obed-edom bara Jehiel, witin nani arp, tramhtram, lunglung nani bri kata, Asaf lika plit sirpi nani ba pruki puli kata.

1 Kronikas 23:5

bara 4,000 wala ba lika dur aihwawakra nani mangkan, 4,000 wala ba lilia binka daukaia dukia nani ba warkka yan, Dawan ra lawana aiwani mayunaia, Debit bui baku daukaia win ba kat daukan.

1 Kronikas 6:16

Libai luhpia nani ba naha nani kata: Guersón, Quehat bara Merarí.

2 Kronikas 20:19

Bara Libait nani, Quehat bara Coré kiamka nani sin, Dawan ra mahka mayuni banhwan ai bîla tara kwâki, Israel Gâdka ra.

2 Kronikas 30:12

Gâd sin upla nani ba nikban Juda wina king adarka ba kat daukaia, bara wihta nani win ba kat sin, baku Dawan blikan ba kat.

2 Kronikas 5:12

Libait nani aiwawanra ba sut Asaf, Hemán bara Jedutún, ai luhpia nani aikuki bara ai taika wala nani kira, linin kwalka dimi bara singbaia nani brih aiwani bin dauki bara altar lalmika tani ra bûi kan. Witin nani wal kan 120 prîs nani, baha nani sut trumpit puhbi kan.

2 Kronikas 5:13

Witin nani sut asla taki trumpit nani ba sut kumi baku puhban, pan pruki, miusik pulaia dukia wala nani ba sin bin dauki mayuni Dawan ra tingki wih bara aiwani kan: “Man nani bui Dawan ra mayuns, kan witin yamni sa, kan ai latwanka lâka ban kaia ra sa.” Baha minitka kat, Dawan tempelka ba kasbrika ni banhwan,

2 Kronikas 7:6

Bara prîs nani ai warkka ban daukata, bara Libait nani sin, Dawan mayunaia miusikka nani wal, king ulbanka ba lawana ba wal, bara lawana ba naku aisi aiwani kata: “Kan ai latwanka lâka ba ban kaia ra ban sa”, Debit ba witin nani tilara aiwani kan piua ra. Baku sin prîs nani trumpit puhban witin nani mawanra, bara Israel luhpia nani sut ai mina ra bûi kata.

Nihimaya 12:27

Jerusalem tawanka walpaya kutbanka ba liliaka daukaia yua aimakan ba ra, Libait nani ani anira bâra kan nani ba sut pliki, Jerusalem ra brih balan mayunaia, aiwanaia, pân taya nani binka daukaia, arp pulaia, bara drum kungbi lilia daukaia dukiara.

Nihimaya 12:36

baku sin ai muihni nani Semaías, Azarel, Milalai, Guilalai, Maai, Natanael, Juda bara Hananí, witin nani lika Gâd waitnika Debit mayunra daukaia dukia nani bri kan ba brih wan. Bara Esdras smasmalkra ba lika witin nani tâura wapi kan.

Nihimaya 12:43

Baha yua daiwan ailal pali iki angki Dawan ra yaban, upla nani ba ai lilia tara brih banhwan, Gâd ai liliaka tara upla nani ra yaban bamna. Mairin nani bara tuktan nani sut lilia pali takan, bara Jerusalem lilia dauki ba laih wina binka ba wali kan.

Nihimaya 12:46

Kan Debit bara Asaf wal piua patitara ba wina, witin nani aiwawanra ba tâ bri kan lawana nani aiwanaia, mayunra nani dauki Gâd ra tingki wiaia dukiara.

Lawana Nani 100:1

¡Dawan ra liliakira aiwani banhwi bas, tasba aiska ra upla bâra ba sut!

Lawana Nani 149:3

Ai nina ba mayunan kabia dans puli ba wal, witin ra aiwans arp puli bara drum puli kira.

Lawana Nani 150:5

¡Witin ra mayuns pân pruki binka painkira dauki ba wal! ¡Witin ra mayuns pân pruki binka tara dauki ba wal!

Lawana Nani 81:1

¡Dawan ra lilia aiwans, witin ba wan karnika sa! ¡Lilia aiwani wini Jekob Dawanka ra mayuns!

Lawana Nani 81:3

Kati raya yua balbia ba ra, trumpit kangbi bas; bara kati tilwan yua ra sin, baha sika yawan lilia tara daukaia yua;

Lawana Nani 87:7

Aiwani bara dans puli nani ba wisa: “Yang waitla ba man ra sa.”

Lawana Nani 95:1

Man nani sut bal, liliakira Dawan ra aiwanpi; aiwanpi wan kan kakahbra, bara wan Swaki Sasakra ra.

Impakan Sturka 15:20

Bamna Gâd prapitka mairin Meri, Eran lakrika ba, bin dauki aiwanaia singbaika ba brin, bara mairin nani sin sut witin ai nina blikan dans puli singbaika singbi kan.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Jirimaya 33:11

lilia dauki lawana nani aiwani ba, ai maya pliki aiwani ba, bara aisi kaka walbia: ‘Man nani bui Dawan karnika sut bri ba ra tingki wis, Dawan ba yamni sa bamna, witin latwan wan kaiki ba ban sa.’ Witin nani ai prisantka nani ai tingkika lâka ra tempel ra bri balbia. Âu, yang baha kuntrika uplika nani kli bri balamna, bara witin nani kli blasi kata ba baku bâra kabia. Yang, Dawan, kasak aisisna.”

Emus 6:5

Debit lika Dawan mayunaia lawana nani aiwani, mayunra binka sât dauki kan ba baku, man nani sin miusik pulaia dukia bra nani sât sât paskisma.

Apastil Nani Sturka 14:23

Bamna serts nani bani ra tâ uplika nani mangkan. Baha ningkara, Gâd ra luki plun piras kira ai pura suni, baha ba Dawan mihta ra mangkan, witin nani sut witinka ra kasak luki kan ba.

2 Timoti 2:2

Witnis ailal mawanra yang aisari bîla nani walram ba, baha ba upla kasak nani mihta ra mangks, witinka nani mita upla wala nani ra smalkaia sip kabia ba.

Taitus 1:5

Yang Creta kîka dakura ra mai swiri, diara nani kau wapnika mangkaia kan ba man mita daukma wisi; bara tawan bani ra sin serts almukka nani mangkaia, kupiam krauki dîa daukaia mai wîri ba tânka kat.