1 Korint 9:21 - DAWAN BÎLA AISKA

²¹ Baha sim natka ra, Moses lâka mununhtara iwras nani ba alkaia dukiara, witin nani baku takisna kasak yang na Gâd lâka mununhtara sna sakuna, yang Kraist lâka mununhtara sna bamna.

1 Korint 9:21 ပူးပေါင်းရင်းမြစ်များ

Lawana Nani 119:32

Yang pat pali man lâmka bîla nani ba aiska daukamna, kan man bui yang kupi ba lilia lâka ni banhkisma bamna.

Apastil Nani Sturka 15:28

Bamna Spirit Holikira aitani lukan bara yang nani sin, man nani puramra wirhika wala sunaia apia, naha kupia kraukanka nani na baman lika:

Apastil Nani Sturka 16:4

Bara tawan bani witin nani luan ba, wan muihni nani sut mihta ra mangkan, apastil nani bara tâ uplika nani Jerusalem ra bara banhwi ba mita, dîa witin nani ai mihta ra lâ mangkan ba.

Apastil Nani Sturka 21:25

Sakuna Ju apia nani kasak lukan lâka alkan ba dukiara lika yang na lâ daukri ba pat ulbri sa: gâd bahki nani ra sakripais daukan wîna ba piaia apia, tala sin apia, daiwan katwi pruan wîna ba sin piaia apia, bara upla kum marit takras kaka ai maya ba briaia apia sa.

Roman 2:12

bamna baha nani Moses lâka alki briras ban saura dauki banhwi ba, baha lâka âpu kira pât ra tawbia; bara baha nani Moses lâka bri sakuna saura dauki banhwi ba, baha sim lâka ba ni lâka aisi daukan kabia.

Roman 2:14

Bamna Ju apia uplika nani lâ ba briras, sakuna witin nani lâ dîa wi ba kat daukisa, âu baha lâka pali ba bri banhras, kuna witin nani ai wîna ra sika lâ bri ba;

Roman 7:22

Kupi munhtara lika, Gâd lâka ba yamni kaikisna,

Roman 7:25

Baha ba lika Gâd baman sip sa, wan Dawan Jisas Kraist bâk. ¡Gâd ra tingki kabia! Baha mita, kupi aiska ni Gâd lâka ba ra dimi auna, kuna wîni tara ba tani lika saurka lâka albika sna.

Roman 8:4

Witin naha na daukan Moses lâka adar wankan ba daukaia sip kabia dukiara, kan nanara yawan wan wîna tara brinka ba kat apia sa, sakuna Spirit brinka ba kat mika.

Galesha 3:2

Bamna naha na man nani ai wis: ¿Moses lâka bîla wali daukan ba mita Gâd Spiritka Holikira ba briram ki, apia kaka, sturi yamni wali kasak lukram mita ki?

Galesha 6:2

Pana pana wan walka wirhika ba twilki hilp munaia sa, kan baku lika man nani sip kama Kraist lâka ba aiska pali daukaia.

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.