1 Korint 7:36 - DAWAN BÎLA AISKA

³⁶ Sakuna ani uplika luki kaka, ai luhpia mairin ba marit takbia ba kau pain sa, witin tiara piua ba pat lui auya ba mita, bara baku daukbia ba kau pain sa kaka, witin dîa kau pain sa lukbia ba daukaia sa; witin nani sip sa marit takaia, kan baha ba saurka kumi sin apia sa bamna.

1 Korint 7:36 ပူးပေါင်းရင်းမြစ်များ

Jirimaya 29:6

Mayam bris, luhpiam waitna luhpiam mairin nani bris, witin nani sin ai maya bara ai luhpia nani bribia, man nani kau ailal sahwi bas, kau maura lika apia.

Matiu 1:18

Jisas Kraist aisubanka tânka ba naku sa: ai yaptika Meri ba Josep wal marit takaia lâ daukan kan; bara kau wal briras kan piua, Meri ba Spirit Holikira karnika mita kwihra tiwan.

Matiu 5:40

Bara ani uplika lâ mai dingki prâmka dakbaia lukisa kaka, puram prâka ba sin yas brih wabia.

1 Korint 7:35

Naha na mai wisna lâ karna maikaia dukiara lika apia, man nani ra hilp mai munaia want sna ba mita. Sakuna, yang want sna man nani ba kulkanka lâka pali ba bri kama, bara Dawan warkka ba aiska pali daukaia.

1 Korint 7:37

Sakuna ani waitnika, baku daukaia witin ra taibi munras sa, bara witin dîa daukaia lukbia ba pri pali sa, bara ai kupia ra ai luhpia mairin ba marit takras ban kabia dukiara ban bapi lukisa kaka, witin pain daukisa.

1 Korint 7:9

Sakuna man nani wînam brinka ba sip alki takaskras sma kaka, marit taks; kan aitani sa marit takaia ba, wan wîna brinka karna ni amaia ba wal.

1 Samuil 2:33

Sakuna tamya nani kum ban altarki lamara swimni, bahara iwi tumi kaia, ai sulka sin sari bri kira, bara kiamkam wala nani sut ba lika ikan kabia.