1 Korint 7:35 - DAWAN BÎLA AISKA

³⁵ Naha na mai wisna lâ karna maikaia dukiara lika apia, man nani ra hilp mai munaia want sna ba mita. Sakuna, yang want sna man nani ba kulkanka lâka pali ba bri kama, bara Dawan warkka ba aiska pali daukaia.

1 Korint 7:35 ပူးပေါင်းရင်းမြစ်များ

Matiu 19:12

Waitna nani sip marit takras tânka ba ailal sa: kum kum ba ai yapti biara wina marit takaia sip apia ban balan sa; wala nani ba sip apia sa upla nani mita marit takaia sip apia daukan bamna; bara wala nani marit takras ban sa Gâd king aimaki lâka ba tâwan. Ya ya naha smalkanka tânka briaia sip kaka, briaia sa.

Matiu 22:15

Parisi nani ba mahka wan, bara ai lâka daukan Jisas ra munka diara aisabia ba ra, dahra sakaia dukiara.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Luk 8:14

Saumuk mâ nani kiaya nani tilara kauhan ba lika bîla smalkan ba waluya uplika nani, kuna ban ai yabalka nina bliki auya, bara yan taibuya kupia trabilka nani mita, bara lalah nani, bara tasba liliaka nani mita sin yan blakuya, bara baha mita mâ kumi sin sakras.

1 Korint 7:2

sakuna rug lâka bâra ba mita, waitna bani ai maya mairin bri kaia sa, bara mairin bani sin ai maya waitna bri kaia.

1 Korint 7:28

Sakuna marit takuma kaka, man saurka kumi sin daukras sma; bara tukta mairin kum marit takbia kaka, witin sin saurka kumi sin daukras sa. Sakuna marit taki uplika nani ba tani trabil nani bribia, bara naha trabilka nani bri ba yang want apia sna.

1 Korint 7:36

Sakuna ani uplika luki kaka, ai luhpia mairin ba marit takbia ba kau pain sa, witin tiara piua ba pat lui auya ba mita, bara baku daukbia ba kau pain sa kaka, witin dîa kau pain sa lukbia ba daukaia sa; witin nani sip sa marit takaia, kan baha ba saurka kumi sin apia sa bamna.

Epesus 5:3

Man nani ba Gâd uplika sma ba mita, rug lâka ba nina mâkaia apia sma, tâski lâka wala nani kra, gridi lâka kabia sin apia.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Timoti 1:10

marit takras tâski lâka dauki nani ba, waitna ai tahkia wal tâski lâka dauki nani ba, upla ai tahkia ra impliki nani ba, kuninkira nani, swer taki kunin aisi nani ba sut, wibia sa kaka, ani uplika nani smalkanka kasak ba mapara bûi ba tani ra lâ ba bâra sa.

Taitus 2:3

Baku sin, serts almukka mairin nani ra wis, upla wal kulkan lâka ra iwaia, upla dahra kwahki kabiara, bara bla tatakra kabia apia. Witin nani ba diara pain ba kat smalkaia sa,