1 Korint 7:33 - DAWAN BÎLA AISKA

³³ sakuna marit takan waitnika ba, tasba bisniska nani dukiara baman trabil taki lukisa, bara ai maya dîa lihki ba kat daukaia sin,

1 Korint 7:33 ပူးပေါင်းရင်းမြစ်များ

Luk 12:22

Baha ningkara, Jisas ai disaipilka nani ra win: “Bamna yang bui man nani ra mai wisna: Trabil taki lukpara raya kaia sma dukiara dîa pima, dîa kwalka dimma.

Luk 14:20

Bara wala bila: ‘Bisiura pali marit takri, baha mita yang sip waras.’

Jan 10:13

Naha waitnika na lika plapisa ai mana ba dukiara baman wark takisa bamna, bara baha mita sîp nani ba dukiara lukras pali sa.

1 Korint 7:3

Bara waitna ba ai maya, bara mairin sin ai maya ba wal dîa daukaia ba daukbia.

1 Korint 7:32

Yang want sna man nani ba kupiam trabilka nani wina pri kama. Waitna maya âpu ba, Dawan warkka nani baman trabil taki lukisa, kan Dawan dîa lihki ba kat witin dauki yabaia trai munisa;

1 Korint 7:34

bara waitna ba baku tawi witin nani ra aubi brih wan sa. Bara mairin maya âpu ba, apia kaka tiara aihwa pali ba, Dawan warkka dukiara trabil taki lukisa, kan witin want sa holikira takaia, ai wîna ra bara ai spiritka ra sin; sakuna marit mairin ba tasba bisniska nani dukiara trabil taki lukisa, bara ai maya waitna dîa lihki ba kat daukaia sin.

Kolosi 3:19

Marit waitna nani, mayam mairin nani ra latwan kaiki bas, bara witin nani mapara lâ karna mangkpara.

1 Timoti 5:8

Kan upla kum ai taika nani ra main kaikras sa kaka, bara kau pali ai watla uplika nani ra lukras sa kaka, witin ba kasak lukan lâka ba kulkras sa, bara kasak lukras uplika wal, witin ba kau saura sa.

1 Pita 3:7

Man nani, maya waitna nani sin, mayam mairin nani wal diara tânka briaia kat iwi bas. Witin nani ra kulkanka yabi bas, mairin ba kau swapni ba mita baman lika apia, sakuna Gâd ai kupia painka ra, witin nani ra sin pramis daukan rayaka yabaia man nani ra baku. Baku dauki bas bara diara kumi sin puram sunra ba takaskbia apia.