1 Korint 7:2 - DAWAN BÎLA AISKA

² sakuna rug lâka bâra ba mita, waitna bani ai maya mairin bri kaia sa, bara mairin bani sin ai maya waitna bri kaia.

1 Korint 7:2 ပူးပေါင်းရင်းမြစ်များ

Sins Lâka 18:22

Maya mairin pliki saki ba diara yamni sakisa: Dawan wina sin yamnika tara alkuya.

Sins Lâka 19:14

Wan watla, wan yuyaka ailal ba, yawan wan damika nani wina brisa; sakuna wan maya mairin âuya mâira ba lika, Dawan wina yawan brisa.

Malaquía 2:14

¿Man nani tânkam brisma, sakuna ban makabi walisma? Kan Dawan kaikisa man kau wahma katma ba ra, baha mairka wal lâ dauki mayam briram bara kunin munram, ¡witin sika man mayam pali kata, man bui witin wal kli swiaia apia wiram ba!

Matiu 5:32

Sakuna, nanara yang mai wisna: Waitna kum ai maya swisa rug lâka daukras kan sakuna, waitnika ba mairin ba marit lâka sauhkisa; bara ya ya mairin swin ba bribia ba, witin sin marit lâka sauhkisa.

1 Korint 6:18

Baku bamna, tâski lâka wina man nani plaps. Saurka wala nani upla tila dauki ba, ai wîna tara lata tani ra daukisa; sakuna ai maya briras tâski lâka dauki uplika ba, ai wîna tara mapara saura daukisa.

1 Korint 7:1

Bara nanara, man nani ai makabi walram tânka nani ba mai wisna. Waitna kum marit takras kaka, baha ba pain sa;

1 Korint 7:3

Bara waitna ba ai maya, bara mairin sin ai maya ba wal dîa daukaia ba daukbia.

1 Korint 7:9

Sakuna man nani wînam brinka ba sip alki takaskras sma kaka, marit taks; kan aitani sa marit takaia ba, wan wîna brinka karna ni amaia ba wal.

Epesus 5:28

Bamna maya waitna ai maya mairin ra baku latwan kaikaia sa, sim ai wîna latwan kaiki ba baku. Ya ai maya mairin ra latwan kaikisa kaka, witin ai wîna latwan kaikisa.

Epesus 5:33

Sakuna naha sin wiaia want sa, man nani kumi bani mayam mairin nani ra latwan kaikaia sma sim wînam pali ra baku, bara maya mairin ba ai maya waitna ra kulkaia sa.

1 Tesalonaika 4:4

Man nani waitna nani, kumi bani mayam ba sunu lâka ra bri kaia sma, bara yamni sin kulki kaia,

1 Timoti 4:3

Naha uplika nani smalkisa, marit takaia apia bara plun tila nani piaia ba sin saura sa; sakuna Gâd mita naha pata nani na paskan, lalukra nani bara kasak tânka kakaira nani ba witin ra tingki yabi ningkara, pibia dukiara.

Wihta Nani 21:22

Bara tiara ba aisika bara lakrika nani yang nani ra bal baha dukiara lâ pliki blauhbia kaka, yang nani bui witin nani ra wimna: ‘Yang nani bui man nani ra wînam kat mamkabisna wan tâ baikanka kum daukaia, baha nani pâtka ban swih tiks, kan yang nani Jabés nani mapara war aiklabri bara mairin nani aitani ailal sakras kapri waitna nani sut kumi bani ba maya baikaia. Baha purkara, luhpiam nani ba man nani mita witin nani wal maya baikras kapram ba mita, swer takram lâka ba man nani mampara man nani mita lâ krikras kapram, baku ba mita man nani sin pâtkas kama.’ ”