1 Korint 7:14 - DAWAN BÎLA AISKA

¹⁴ Kan kasak lukras waitna ba, ai maya mairin lalukra ba wal asla takan ba mita, holikira kulkan sa; bara kasak lukras mairka ba, ai maya waitna kristian ba wal asla takan ba mita, holikira kulkan sa. Naku apia kaka, man nani luhpiam nani ba idan nani luhpia banhwi ba baku kaia kan; sakuna naha mita, witin nani ba holikira nani kulkan sa.

1 Korint 7:14 ပူးပေါင်းရင်းမြစ်များ

Aiseya 52:1

Rawi bus, Saion, rawi bus, karnikam ba prâmka dims, Jerusalem tawan holikira prâmka kau pranakira ba dims, kan gâdkas, upla tâskikira, kli bal man ra dimbia apia.

Apastil Nani Sturka 10:23

Bara Pita mita waitna nani ba yan utla ra diman, tihmia sin aikuki bahara yapi lalawan. Yu wala titan, Pita bara wan muihni nani tila Jope wina sin, witin nani aikuki wan.

Roman 11:16

Plawar akban wina pas brit ba, Gâd dukia holikira kulkan sa kaka, plawarka akban pîska aiska ba holikira sa. Bara dus wakia kumi Gâd dukia holikira kulkisa kaka, tnawa nani ba sut holikira kulkan sa.

1 Korint 7:13

Bara kristian mairin kum maya ba lalukra apia sa, sakuna ai kupia kumi luki mairka ba wal ban brih iwi kaia lukisa kaka, mairin ba mita waitnika ba swiaia apia sa.

1 Timoti 4:5

kan Gâd bîla ba mita bara wan pura sunra mita sin baha ba holikira daukisa.

Taitus 1:15

Ani uplika nani ai sinska klin bri ba mapa ra, diara sut ba klin sa; sakuna kasak lukras uplika nani bara ai sinska sin klin briras ba mapa ra lika, diara kumi sin klin âpu sa, kan witin nani sinska ba bara ai kupia dara walra ba sin tâski baman sa.