1 Korint 6:9 - DAWAN BÎLA AISKA

^9-10 ¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

1 Korint 6:9 ပူးပေါင်းရင်းမြစ်များ

Blasi Sturka 19:5

bara witin nani mahka Lot ra winan: —¿Waitna nani tihmia wamtla ra bal diman nani ba anira sa? ¡Lata ra sâks! ¡Witin nani wal yang nani yapan ai daukisa!

Impakan Sturka 23:1

“Sturi kunin twilki bri si aisapara. Upla saurakira watawi man dauki uplika ba tâwan aimaki, witnis kunin aisi man mita tâ baikpara.

Sins Lâka 11:1

Paun kunin mangki ba lika, Dawan nakra ra saura pali kaiki kan, kuna paun kat kasak mangki ba, yamni kaikisa.

Sins Lâka 22:8

Ya watawika lâka mâ mangki ba, pât tara mâ krikbia; Dawan ai kupia baiwras klalka nani ba krikan kabia.

Sins Lâka 7:27

Ai watla ra waia yabalka ra wapaia ba lika pruaia tasbaya ra waia yabalka pali sa.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Isikiel 18:11

ai aisika daukras kan ba, wibia kaka, il plahpia ra aidul nani dukiara liliaka tara, plun ailal tilara dauki mayuni ba, bara ai uplika maya dakbi ba,

Libait Lâka 18:20

“Uplikam maya ba yappara, baha tawan tâski mai kulkbiara.

Libait Lâka 18:22

“Waitna tamhkia ra yappara, man mairin kum wal yapisma baku. Baha sika nina sauhkaia lâka saurka kau tara ba.

Libait Lâka 19:15

“Lâ kat upla lâka daukisma ba ra, kli warha daukpara: upla mita kulkras ba ra sin tâ baikpara, karnika tara bri nani ra sin bawpara. Sakuna lâka ba kasakka lâka dauks.

Libait Lâka 20:13

“Waitna kum waitna wala ra yapbia kaka mairin kum ra yapi ba baku, wâlsut ikan kabia. Silp ai prurika ba twilkbia, diara saura daukan bamna.

Sakaraya 5:3

Bara witin naku ai win: “Wauhkataya ba ra ulban sa, naha kuntrika aiska ra lahtubanka alkuya ba. Tnaya wâl ra naku ulban sa, kunin aisi impliki swer taki nani ba sut klala briaia sa.

Matiu 19:29

Bara ya ya ai watla nani, ai muihni nani, ai lakra nani, ai aisa, ai yapti, ai maya mairin, ai luhpia nani, ai tasbaya nani sut yang tâiwan swin nani ba, 100 prais kau bribia bara raya ban kaia ba sin witin nani dukia kabia.

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Luk 21:8

Jisas bila: “Aman kaiki bas, yarka sin kunin mai munbiara. Upla ailal yang nini bri balbia, bara ban naku wibia: ‘Yang sika Kraist’; bara ‘Nanara sika piua ba.’ Sakuna nina blîkpara.

Apastil Nani Sturka 20:32

“Bara nanara, muihni nani, Dawan mihta ra mai mangkuna, ai latwanka lâka tara ba mihta ra sin. Witinka karnika tara brisa, sip sa maikka pâwaia spirit tani ra bara witin pramis maikan ba kat daukbia holikira sakan ba tilara.

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Roman 1:18

Bamna yawan kaikisa, Gâd lawanka tara sibrinkira pali ba kasbrika pura wina aula, upla saura kasak apia nani ba purara, baha nani ai watawika lâka ba ni kasakka lâka tânka ba briaia apia daukisa.

1 Korint 15:33

Man nani mamwahkpara. Aisanka kum aisi ba baku: “Wan pânika saura nani mita wan lâka pain nani ba sauhkisa.”

1 Korint 15:50

Muihki nani, naha tânka na mai win ai daukisa: wîna bara tala ni paskan ba, sip Gâd King aimaki ba lâka ra ai dukia briras; kan ani dukia aisawi ba sip ban kaia dukiara ai dukia briras sa.

1 Korint 3:16

¿Man nani kaikras sma ki Gâd tempelka banhwisma ba, bara Gâd Spiritka ba man nani ra iwisa?

1 Korint 5:1

Bara nanara sturkam takan sa, man nani tilamra waitna kum bâra sa, witin ba ai aisika maya pali wal brisa. Naha lika rug lâka tara pali sa, bara nahmuna lâka na Gâd ra kakaira apia nani tilara sin yan sip daukras sa.

1 Korint 5:10

Naha tasba uplika sut wina tnaya ra tawma lika mai wiras katna, witinka nani tâski lâka dauki banhwi ba, apia kaka gridikira nani ba, âimplikra nani ba, aidul nani ra ai pura suni mayuni banhwi ba. Witin nani tilara dimaia apia kaka, man nani ba naha tasba wina taki waia kama.

1 Korint 5:11

Yang wiaia lukri tânka ba lika naha: upla kum wan muihni wisa, sakuna tâski lâka daukisa, gridikira sa, aidul nani ra ai pura suni mayunisa, upla dusa kakuhbra sa, rum dadira sa, âimplikra kaka sin, witin wal taukpara. Bahmuna uplika wal iwi plun sin piaia apia sma.

1 Korint 6:18

Baku bamna, tâski lâka wina man nani plaps. Saurka wala nani upla tila dauki ba, ai wîna tara lata tani ra daukisa; sakuna ai maya briras tâski lâka dauki uplika ba, ai wîna tara mapara saura daukisa.

1 Korint 6:19

¿Kaikras sma ki, man nani wînam tara ba Gâd mita Spirit Holikira maikan ba tempelka sa, bara Spirit Holikira ba man nani ra iwisa? Man nani lika man nani dawanka nani apia sma,

1 Korint 9:24

Man nani kaikisma si plapanka kum ra sut plapisa, sakuna kumi baman prisantka ba brisa. Bamna plapi bas prisantka ba briaia praiska alkma ba kat.

2 Korint 12:21

Sibri sna kli balamna ba ra, Gâdki mita man nani dukiamra ai munka swiri takamna, bara ai munka upla manis dukiara inamna pat piua wihka saura daukisa sakuna tâski lâka ba sip swiras ba dukiara, waitna mairin wal marit âpu kira briaia lâka bara lâ saura lan takan ba dauki ban ba dukiara sin.

Galesha 6:7

Man nani lukankam ra kunin munpara: upla âpu sa Gâd ra lawaska kikaia. Upla mita dîa mangki ba baha sika krikbia.

Kli Smalkanka 22:22

“Waitna kum mairin kum ai maya bri kaka wal prawbia kaka, wâlsut pruaia pâtka ra tawbia. Baku lika man nani saurka lâka Israel ra sâkma ba âpu daukaia sip kama.

Kli Smalkanka 22:5

“Mairin ba waitna kwalka dimaia apia, waitna sin mairin kwalka dimaia apia, kan ani uplika baku dauki ba Dawan mita saura kaikisa.

Kli Smalkanka 23:17

“Israel luhpia nani tila wina waitna kum kra apia, mairin kra, rug taki gâdkas nani mayuni ba tilara dimi warkka takaia apia sa.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.

Hibru Nani 12:16

Man nani wina kumi sin marit apia kaka, ai maya bribiara, bara diara holikira ba sin bahki baku kulkbiara; kan Isau sika baku daukan ba, plun plit kum mana witin tawahkia kan lâka ba atkan wan.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

Jems 1:16

Muihki laitwankira nani, upla yarka kunin mai munbiara;

1 Jan 3:7

Luhpi lupia nani, upla kumi mita sin yarka kunin mai munbiara; ya diara pain dauki ba, witin lika upla kasakkira sa, Kraist witin kasakkira ba baku.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”

Param Marikanka 22:15

Sakuna tawanka latara takaskbia nani ba naha nani sika: kasak lukras nani ba, sukia warkka dauki nani ba, tâski lâka dauki nani ba, upla âikra nani ba, aidul nani ra ai pura suni mayuni bara baha ra latwan kaiki nani ba sut, kunin lâka dauki nani ba sin.

Wihta Nani 19:22

Witin nani bâra ai kupia kumi ai âuyapah pali kan, bara waitna saura nani kulki tawan ba wina balan, dama watla ba kutban bara mahka watla durka ba prukan, bara dama ra win: —¡Baha waitnika nani mai kaikaia wamtla ra balan ba, latara sâks! ¡Yang nani witin wal yapaisna!