1 Korint 6:8 - DAWAN BÎLA AISKA

⁸ Sakuna, man nani kasak lâka daukras bara impliki banhwisma, muihkam pali nani ra sin.

1 Korint 6:8 ပူးပေါင်းရင်းမြစ်များ

Libait Lâka 19:13

“Uplikam mapara saura munaia lukpara, diara bri ba dukiam wisi mihta dakpara. “Warkkam takan ba mana yauhka kat aibappara.

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 20:13

Sakuna dawanka ba mita baha nani tila wina kumi ra pana win: ‘Upliki, yang bui man ra watawi kumi sin mai munras. ¿Man ba yang wal lâ daukras katma ki yu aiska wark takaia mana ba?

Mark 10:19

Man, Gâd lâka nani ba pain kaikisma: ‘Upla ikpara, marit lâka sauhkpara, implikpara, upla ninara kunin aisapara, upla ra kunin munpara, aisikam bara yaptikam wal ba pain kulks.’

Kolosi 3:25

Sakuna ya saura daukisa kaka, ai saurka lâka mana ba bribia, kan Gâd lika upla kumi ba upla wala wal aihka kulkras sa.

1 Tesalonaika 4:6

Upla kumi mita sin naha bisniska dukiara ai muihni ra kunin muni tâski lâka daukbiara. Naha dukia na kaina manis wina latan mai wi banhri: Ani uplika nahmuna swakwanka nani daukbia kaka, Dawan mita witin ra klala yabia.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.