1 Korint 6:6 - DAWAN BÎLA AISKA

⁶ ¿Aitani sa ki, muihni kum ai walka wal unsaban bri ba, wihta idan nani ba mawanra wih yaka ai lâka ba daukbia?

1 Korint 6:6 ပူးပေါင်းရင်းမြစ်များ

Blasi Sturka 45:24

Witin nani mahka impakan, bara Josep witin nani ra lakula dauki, win: —Man nani yabal ra unsabi lika wapara. Bara witin nani impakan.

Apastil Nani Sturka 7:26

Yu wala, Moses kaikan Israel waitnika wâl lika aiklabi kan, bara witin brin dauki kan baha nani wâlsut ba kupia kumi daukaia, bara witin nani ra win: ‘¿Man nani wâlsut ba muihkam apia? ¿Dîa kan pana pana wînam ra rausauhkisma?’

1 Korint 6:1

Man nani wina kumi ai walka wal unsaban bri kaka, ¿nahki sibrin âpu wihta idan nani ra wih lâ dimbia ki, Gâd uplika nani ra baha bisniska ba wapnika mangkbia makabaia ba watlika ra?

1 Korint 6:7

Kasak pali sa, man nani pana pana walkam nani aikuki unsaban brisma ba latan marikisa ba ra, aiska pali kauhram sa. ¿Kau pain kabia apia, yarka watawi mai munaia ba? ¿Kau pain kabia apia, yarka mai impliki banhbia ba?

2 Korint 6:14

Man nani kasak lukras uplika nani wal asla kapara; kan baku daukma kaka, twilkaika kum wala wal baku apia ba baku asla prakisma. ¿Kan nahki sip kabia diara wapni ba, diara saura wal ai dukia briaia? ¿Nahki ingni ba tihmia wal ai pânika kabia ki?

2 Korint 6:15

¿Nahki Kraist wih Sitan wal asla kabia? ¿Nahki lalukra kum sip lukras uplika kum wal asla kabia ki?

1 Timoti 5:8

Kan upla kum ai taika nani ra main kaikras sa kaka, bara kau pali ai watla uplika nani ra lukras sa kaka, witin ba kasak lukan lâka ba kulkras sa, bara kasak lukras uplika wal, witin ba kau saura sa.