1 Korint 6:16 - DAWAN BÎLA AISKA

¹⁶ ¿Man nani kaikras sma ki, ani uplika rug mairin kum wal asla prawan kaka, wâlsut ba wîna tara kumi baku takuya? Kan Ulbanka ra wisa: “Wâl ba wîna tara kumi takbia.”

1 Korint 6:16 ပူးပေါင်းရင်းမြစ်များ

Blasi Sturka 2:24

Baku bamna mairin ba dukiara waitna ba ai aisika bara ai yaptika sin swibia, bara ai mairka ra asla prawbia, bara witin nani wal ai tânka brih, wal ai wîna kumi takbia.

Blasi Sturka 34:31

Witin nani pana win: —¿Witin bui yang nani laikra na mairin urkira kum ra baku kulkaia kata ki?

Blasi Sturka 38:15

Juda bal luan ba ra, mairin iwi kan ba kaikan. Bara witin lukan, baha ba rug mairin kum bâra iwisa. Kan mairin ba ai mawan bikan kan bamna, witin mawan ba kaikras kan.

Blasi Sturka 38:24

Baha takan ba wina kati yumhpa prais luan ba ra, upla nani bal Juda ra win: —Mulam yapti, Tamar waitna wala nani wal taukan bara kwihra tiwan. Juda baha walan ba ra, ai kupia baiki ai bîla karna aisin: —¡Man nani bui witin ba alki latara saki, pauta ra angks!

Mark 10:8

bara wâl ba ai wîna kumi baku takbia.’ Bara kumi baku takbia, wâl lika apia.

1 Korint 6:3

¿Man nani kaikras sma ki, yawan mita insal nani pali sin lâka daukbia sa? Ban kaka, ¡yawan yu bani bri bisniska nani ba kau pali daukbia!

Epesus 5:31

“Baha mita waitna ba ai yapti bara ai aisa wina dakwi taki ai maya mairin ra asla takbia, bara wâl ba wîna kumi baku takbia.”

Hibru Nani 11:31

Kasak lukan lâka mita Rahab, witinka rug mairin ba, kiamapara nani ba aikuki pruras kata, kan witin mita biki kakaira uplika nani ba uplika lâka kat ai watla ra dingki bri kan.

Wihta Nani 16:1

Yu kumi Samson kirhbi filisteo nani tawanka Gaza ra wan. Bahara rug mairin kum wal prawan, bara baha tihmika ba mairka ba watla ra yapaia wan.