1 Korint 6:13 - DAWAN BÎLA AISKA

¹³ Upla wala kum bila wibia: “Plun ba wan biara dukia sa, bara wan biara ba plun dukia.” Kasak, sakuna Gâd mita dukia wâlsut ba sauhki tikbia. Upla wîna tara ba tâski lâka daukaia dukiara lika apia sa, sakuna Dawan dukia mika; bara Dawan ba wan wîna tara dukia sa.

1 Korint 6:13 ပူးပေါင်းရင်းမြစ်များ

Matiu 15:17

¿Kaikras sma ki dîa dîa wan bîla ra dimi ba wan biara ra auya, baha ningkara wan wîna tara ba wina takisa?

Matiu 15:20

Naha dukia nani lika upla ra tâski daukisa; sakuna wan mihta sikbras plun piaia lâka ba lika, upla ra tâski daukras sa.

Mark 7:19

Baha ba wan kupia ra dimras, sakuna wan biara ra lika, bara baha ningkara wan biara wina kli takisa. Jisas baku aisi marikan plun nani sut ba klin atia sa.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 6:49

Man nani damikam nani lika upla iwras tasbaya ra manâ ba pin, sakuna sut pruan.

Roman 12:1

Baku bamna, muihki nani, Gâd kupia pihni lâka ba dukiara mamkabisna, man nani wînam aiska ba prisant raya kum baku ai mihta ra mangkma, baha ba holikira prisant yaia sma ba tânka sa.

Roman 14:17

Bamna Gâd King aimaki ba lâka lika piaia, diaia wal tânka apia sa, sakuna baha lika wan rayaka wapni briaia lâka sa, bara kupia kumi lâka bara lilia lâka Spirit Holikira bâk yawan bri ba tânka sika.

Roman 6:12

Baku ba mita, man nani yarka wînam ra saurka lâka mita taibi munbiara bara adar maikbiara wînam brinka ba bîla wali daukaia.

Roman 7:4

Baha baku natka ra, yang muihki laitwankira nani, Kraist pruanka ba mita man nani sin witin wal pruram lâ ba mapara, waitna wala maya takaia dukiara. Nanara man nani Kraist dukia atia sma witin pruan wina buan ba, baku natka ra wan rayaka na Gâd mawanra diara pain kaia.

1 Korint 3:16

¿Man nani kaikras sma ki Gâd tempelka banhwisma ba, bara Gâd Spiritka ba man nani ra iwisa?

1 Korint 6:15

¿Man nani kaikras sma ki, man nani kumi bani wînam tara ba Kraist wîna sirpika nani sa? ¿Bara yang na Kraist wîna tara sirpika ba kum brih, rug mairin wîna tara ra bri si mangkamna ki? ¡Sip apia pali!

1 Korint 6:19

¿Kaikras sma ki, man nani wînam tara ba Gâd mita Spirit Holikira maikan ba tempelka sa, bara Spirit Holikira ba man nani ra iwisa? Man nani lika man nani dawanka nani apia sma,

2 Korint 11:2

Kan yang lika man nani tâmwan lawisna, tâmwan lawanka kum Gâd wina sa; kan man nani ba Kraist mihta ra mai mangkri, bamna brin ai daukisa man nani ba witin mawanra mai brih waia, sim tiara pain kumi waitna kumi kat wal marit taki ba baku kaia.

2 Korint 5:15

Kraist upla sut tâwan pruan, baha mita raya nani ba ai wîna dukiara raya kaia apia sa; sakuna witinka, witin nani ai dukiara pruan bara kli sin raya buan ba dukiara mika raya kabia.

Galesha 5:24

Bamna ya Kraist uplika sa kaka, uplika wîna brinka nani ba sut witin ai dusa prihni ra saban sa.

Epesus 5:23

Kan maya waitna ba ai maya mairin lal sa, sim Kraist serts ra lal ba baku. Kraist ba lika serts Swaki Sasakra, bara baha sika witin ai wîna tara;