1 Korint 5:9 - DAWAN BÎLA AISKA

⁹ Wauhtaya wala mai ulbatna ba ra man nani ra mai wîri, upla rugkira nani wal diara âpu banhwi kama.

1 Korint 5:9 ပူးပေါင်းရင်းမြစ်များ

Sins Lâka 9:6

Man nani tanis lâka ba swis, bara raya kama; upla sinskira nani baku man nani tauki bas.”

1 Korint 5:10

Naha tasba uplika sut wina tnaya ra tawma lika mai wiras katna, witinka nani tâski lâka dauki banhwi ba, apia kaka gridikira nani ba, âimplikra nani ba, aidul nani ra ai pura suni mayuni banhwi ba. Witin nani tilara dimaia apia kaka, man nani ba naha tasba wina taki waia kama.

1 Korint 5:2

¡Baku kan, man nani lika yamni daukram luki banhwisma! ¡Kau ni sari pali banhwi kaia kapram! Ani waitna nahmuna dukia daukan ba, man nani tilam wina kangbi sakan kaia sa.

1 Korint 5:7

Baku bamna, saurka îska almuk ba lulki swis, bara man nani ba aiska pali klin kama. Baku mika, plawar akban raya kum îs âpu Insal luan Yua Liliaka ra pi ba banhwi kama, bara yang kasak pali kaikisna man nani ba nanara baku sma. Kan Kraist pali wan Insal luan Yua Liliaka dukia ba yawan dukiara sakripais dauki ikan sa, bamna witin sika Insal luan sîpka yawan bri ba.

2 Korint 6:14

Man nani kasak lukras uplika nani wal asla kapara; kan baku daukma kaka, twilkaika kum wala wal baku apia ba baku asla prakisma. ¿Kan nahki sip kabia diara wapni ba, diara saura wal ai dukia briaia? ¿Nahki ingni ba tihmia wal ai pânika kabia ki?

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

Epesus 5:11

Diara bahki nani tihmia uplika nani dauki ba wal sin prawpara; sakuna kau pain sa baha diara nani ba ingni ra sal sâkma.

2 Tesalonaika 3:14

Ya ya naha wauhkataya ra ulbi wisna na bîla wali daukras kaka, uplika ba aman pali kaiki bas, bara witin wal bisnis âpu bas; baku witin ai swira bri kabia.

2 Tesalonaika 3:6

Muihki nani, wan Dawan Jisas Kraist nina ra adar maiki banhwisna, ani uplika nani wark takan daukras ba wina tnaya ra tawma, witinka nani ra yang nani mita smalkanka yabri ba kat sip iwras ba.