1 Korint 5:8 - DAWAN BÎLA AISKA

⁸ Baku bamna, wan lilia yua tara ba daukpi, brit îs almuk bri ba wal lika apia, saurka lâka bara tâski lâka îska ba, sakuna îs âpu britka ba wal mika, sunu lâka bara kasak tânka britka ba wal.

1 Korint 5:8 ပူးပေါင်းရင်းမြစ်များ

Lawana Nani 32:2

Lilia pali sa ai lukanka saura briras uplika ba, witin watawika lâka daukan mana ba, Dawan sin witin ra kulkras.

Lawana Nani 42:4

Baha diara takan tânka nani ba luki kaikuna ba ra, kupi krawisa upla sut kira yang impaki auna kata ba, Gâd tempelka watla ra, lilia tara ailal wal, tingki manis pali sin; ¡kaiki lilia tara pali!

Impakan Sturka 12:15

Witin nani wik kum brit îs âpu dauki pi kabia. Baha mita baha yua pas ba wina man nani wamtla nani ra îs âpu kaia sma. Wik kum ba bilara, ya kabia sin sakuna brit îs wal daukan ba pibia kaka, uplika ba, Israel tila wina ai mawan ba tikan kabia.

Impakan Sturka 12:19

Wik kum ba man wamtla bilara îs âpu kaia sa; kan ani uplika baha yua nani tilara îs bri britka pibia kaka, witin ba Israel luhpia nani tila wina ai mawan ba tikan kabia, tringsar kabia, apia tasbaya luhpia kabia sin wal baku kulkan kabia.

Impakan Sturka 12:8

Bara wîna ba sin tihmia iwbia ba ra pauta ra duki, brit îs âpu dauki angki, dus wahia tahpla nani aikuki dauki pibia.

Impakan Sturka 13:6

Yu 7 ba brit îs âpu dauki pi kaia kama, bara yu 7 kumi aimakuya yua ba, lilia tara daukma Dawan ra mayunra yabaia dukiara.

Impakan Sturka 13:7

Yu 7 brit îs âpu dauki pi kaia sma. Baha yua nani sut ra, tawankam ra, tasbayam aiska ra sin îs âpu kaia sa. Baku sin îs mangki daukan britka kumi sin âpu kabia.

Aiseya 25:6

Saion ilka ra, Dawan karnika sut bri ba mita, nisan nani sut ra lilia kum daukbia, pata piaia auhni bara wain laya pain ba ridi daukisa.

Aiseya 30:29

Sakuna man nani mampa tani lika aiwani lilia tara daukaia brima, tihmia ra Dawan liliaka tara dauki baku; kupiam lilia pali kabia plut puhbi kan Dawan ilka ra waia, Israel yukuwaika ra waia wapi ba baku.

Libait Lâka 23:6

“Bara yua 15 ba, brit îs âpu daukaia yua tara ba liliaka daukan kabia, Dawan ra pain kulkaia dukiara, yu 7 brit îs âpu dauki pi kabia.

Matiu 16:12

Ba kat lika disaipil nani tânka brin, Jisas bui brit ra îs mangki ba dukiara lika aisaras kan, sakuna parisi nani bara sadiusi nani smalkanka dukiara aisi kan.

Matiu 16:6

Bara Jisas mita witin nani ra win: —Aman kaiks, parisi nani bara sadiusi nani îska ba dukiara pain damra wali bas.

Mark 8:15

Bara Jisas karna aisi smalkan: —Kaiks, damra wals parisi nani îska ba, Herod îska dukiara sin.

Luk 12:1

Baha piua ra upla tausin ailal bal asla taki kan, bara ban upla ailal mita pana pana taibi kan. Baku bamna, Jisas ai disaipilka nani ra naku smalki win: “Man nani aman kaiki bas parisi nani kuninka ba dukiara, kan baha ba îs baku sa.

Jan 1:47

Jisas kaikan Natanael ai lamara aula kan, bara witin dukiara naku win: —Kaiks Israel waitnika pali kum aula ba, witinka ra kunin âpu ba.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

1 Korint 5:1

Bara nanara sturkam takan sa, man nani tilamra waitna kum bâra sa, witin ba ai aisika maya pali wal brisa. Naha lika rug lâka tara pali sa, bara nahmuna lâka na Gâd ra kakaira apia nani tilara sin yan sip daukras sa.

1 Korint 5:6

Man nani diara daukisma na kalwi banhwaia apia sma. Sturi aisinka kum naku wi ba man nani kaikisma: “Îs wiria baman plawar akban aiska ba yan puskisa.”

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 8:8

Yang naha na adar baku pali lika man nani ra mai wiras; sakuna want sna upla wala nani diara karna dauki ba man nani kaikaia, bara praki kaikma man nani latwanka lâka ba aitani kat brisma sapa.

Epesus 6:24

bara Gâd mita wan Dawan Jisas Kraist ra, latwan kaiki uplika nani sut ra yamni munbia, latwan lâka kum sip aihka takras ba wal.

Kli Smalkanka 16:16

“Waitna nani ba mani kum bilara aima yumhpa Dawan ai nina bâra kaia pliska aihka sakan ba ra bûi kaia sa Dawan lamara lilia nani daukbia, brit îs mangkras piaia wikka nani ba bara utla tanhta liliaka ra Dawan kaiki ba lamara bûi nani ba kumi sin ai mihta bîla baman waia apia sa.

Kli Smalkanka 16:3

“Daiwan sakripais daukan ba, man nani wik kum brit îs mangkras wal pi bas, baha ba pât wahwan britka sika, kan isti pali Idsip wina takaia kapram, baku man nani rayakam aiska ra Idsip wina takram ba dukiara kupiam krawi kabia.

Jasua 24:14

—Naha sut ba mita, man nani bui Dawan ra pain kulks, bara ban kasak ai dukia dauks kupiam wina, bara ai lâka aiska kulks. Damikam nani gâd bahki nani ra Éufrates awalka un ra bara Idsip ra mayuni kata ba wina dakwi taks, bara Dawan dukia dauki banhs.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.