1 Korint 4:9 - DAWAN BÎLA AISKA

⁹ Bamna yang lukisni, yang nani apastil nani sna na, Gâd mita ningka pali ra ai swin baku sa. Yang nani na prura pâtka ra tawan uplika nani baku sna; tasba aiska ba, insal nani wihki upla nani wal sin, wan kaikbia wisi wan mangkan sa.

1 Korint 4:9 ပူးပေါင်းရင်းမြစ်များ

Lawana Nani 44:22

Sakuna man mamta pruaia ra ai lakan sa, sîp nani mahka ikaia watla ra bri ridi dauki ba baku.

Lawana Nani 71:7

Yang na upla sut nakra ra aihka katna, ban sakuna, man ba yang yukuwaiki sma.

Jirimaya 20:18

¿Dîa muni plauya ba wina bal takri latwan swira lâka briaia baman, bara baku rayaki ba swira lâka ni pura bikan ba baku bâra ban pruaia?

Apastil Nani Sturka 19:29

Tawan aiska ba kupia turban kan. Bara Macedonia wina waitna wâl, Gayo bara Aristarco, Pal wal tauki kan ba, baha nani purara tawan ba kauhan bara alki raski pulaia watla tara ra brih wan.

Apastil Nani Sturka 19:31

Baha purkara, Asia tasbaya wihtka kum kum Pal wal ai uplika kulkan kan ba mita ai bîla blikan, Pal bahara dimbia apia.

Roman 8:36

Ulbanka ra naku aisisa: “Man nani tâmwan yu aiska pali prura mihta ra ai mangkan sa; sîp nani ra ikaia watla ra brih auya ba baku.”

1 Korint 15:19

Kraist bâk wan kainara diara briaia luki ba naha tasba ra raya iwi na dukiara baman sa kaka, yawan lika upla sut tila wina kau umpirkira nani ba sika.

2 Korint 11:23

¿Bara witin nani ba Kraist dukia dadaukra sa ki? Yang lika witin nani purkara sna, aisisna ba sin tanis baku aisisna kuna. Bamna yang lika kau wark takri witin nani ba wal, witin nani wal yang ra kau ai wipan, silak ra sin kau ai mangkan, bara prura pâtka sin manis wauhri.

2 Korint 6:9

Sam piua wan kakaira apia wisa, bara tila piua lika wan kakaira pali wisa; bara piua kum ra prura mihta ra aimaki tauki banhwisna, kuna kau ban raya atia sna; klala wanki banhwisa, kuna wan ikras sa.

1 Tesalonaika 3:3

upla kumi sin naha trabilka nani mita yarka ai ninara tawbiara sîa. Man nani sin pain kaikisma, yawan naha pâtka nani na wahwaia sa.

Hibru Nani 1:14

Ban kaka, ¿insal nani ba dîa sa? Witin nani sut ba lika spirit sa, bara Gâd warkka daukisa, bara witin mita baha nani ba ani uplika nani swaki sakan lâka briaia ba ra, hilp munaia blikisa.

Hibru Nani 10:33

Man nani tilam wina tila nani upla sut mawanra saura mai wih, saura sin mai munan, bara piu wala nani ra lika man nani ba upla wala nani nahmuna trabilka nani bri kan ba aikuki asla brih wahwaia ridi katma.

Hibru Nani 11:36

Tila nani lika lawaska kikan nani ba ra klala ni wipan, pât nani brin, bara wala nani lika, sîn ni priskan kata bara silak watla ra sin mangkata.