1 Korint 4:4 - DAWAN BÎLA AISKA

⁴ Kupi dara walra na klin brisna, sakuna baku ba ra wisi yang na pâtkira apia sna lika wiras sna. Dawan sika lâika aisi dauki ba.

1 Korint 4:4 ပူးပေါင်းရင်းမြစ်များ

Job 15:14

Upla sunukira ba âpu sa, ai pâtka wina pri ba sin âpu sa.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Job 27:6

Upla yamni sna bamna, yarka tilira dimbia apia, bamna maipara saura ai wiaia ba âpu sa.

Job 40:4

¿Dîa pali yang bui man ra aisamna ki, kan yang na diara bahki sna na? Kanra yamni sa yang sâp kamna.

Job 9:20

Yang na wapni pali kamna kra, ban sin tâski âpu kamna sin, sakuna witin mita ban ai wibia, yang na pâtkira bara saurakira.

Lawana Nani 130:3

Dawan, Dawan, watawan lâka ba kupiam ra bri katma kaka, ¿ya pali sip ai mina ra bapi bûi kaia kan?

Lawana Nani 143:2

Man nampakan ra diara walaia paiwpara, kan man mamwanra upla kumi sin pâtkas ba âpu sa.

Lawana Nani 19:12

¿Ya witin ai swakwanka nani tânka briaia sip sa? ¡Yukuwan ra daukri pâtki nani daira walras sna ba, baha wina man klir ai sâks!

Lawana Nani 26:12

Mini na tasba prumhni ra karna buisa; ¡aidrubanka tara mawanra, Dawan ba yamni pali sa wimni!

Lawana Nani 50:6

Bara kasbrika nani ba tânka param aisisa Gâd ba lâ wihta kasak sa.

Sins Lâka 21:2

Upla ba mapara diara sut dauki ba pain baman sa, kuna Dawan wan kupia lukra nani ba paun mangki kaikisa.

Sins Lâka 29:26

Upla manis wihta mawanka plikisa ai lâka aisi daukaia, sakuna Dawan baman kasak lâka daukisa.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 23:1

Pal ba Ju lâka dadaukra wihtka nani ba kaiki, naku win: —Muihki nani, piua bani ban naiwa kat sin, Gâd mapara lukanki na pain brisna.

Roman 2:13

Kan lâ bîla wali baman uplika nani ba Gâd mita pain kulkras sa, sakuna lâ bîla wali dadaukra nani ba lika.

Roman 4:2

Ebraham wark daukan ba tâka wina Gâd mita kasakkira kulkan sa kaka, witin baman sa lukaia, kuna Gâd mawanra lika apia.

1 Korint 4:3

Sakuna, yang maipa ra lika, man nani mita nahki lâika aisi daukma ba, apia kaka upla wala nani kra lâika aisi daukbia ba sin, uya lukras sna; yang mita sin lâika aisi daukras sni.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.