1 Korint 4:14 - DAWAN BÎLA AISKA

¹⁴ Man nani swiram dauki baku lika naha na mai ulbras, sakuna kupia kraukanka kum maikaia dukiara, luhpi laitwankira nani ra baku.

1 Korint 4:14 ပူးပေါင်းရင်းမြစ်များ

Isikiel 3:21

Sakuna man, ban waitnika ba ra kupia kraukma kaka, saura daukaia apia dukiara, bara witin saura daukras kabia kaka, witin ban raya kabia smalkram tâka, bara man sin sulkam pri sakram kabia.”

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

1 Korint 15:34

Rayaka wapni bara kasak ba ra kli taws, bara kli sin saura daukpara, kan man nani tilam wina upla tila Gâd ra kakaira apia sa. Naha na aisisni, swiram daukaia dukiara.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

1 Korint 4:17

Naha dukiara, Timoti ba man nani ra blikuna. Witin sika Dawan ra luhpi laitwankira bara kasak pali ba. Witin ba yang na Kraist ra lalukra baku nahki iwisna tânka ba man nani kupiam kraukbia, plis sut ra serts bani ra smalkisna ba baku.

1 Korint 6:5

Naha lika man nani swiram daukaia wisi mai wisni: ¿Man nani tilamra sinskira kumi pan âpu sa ki, upla ai muihni wal unsaban bri ba lâka daukaia sip ba?

1 Korint 9:15

Sakuna aima kumi sin naha lâka nani wina yang brih alkras, bara man nani wina kra diara kum pan aikma sin mai ulbras. ¡Pruaia ni kau pain lukisna! Upla kumi mita sin naha liliaka brisna na mihti wina dakbia apia.

2 Korint 11:11

¿Dîa muni aisisna ki? ¿Dîa man nani ra want apia sna ba mita? ¡Man nani ra nahki prais want sna ba, Gâd lika pain kaikisa!

2 Korint 12:19

Ban kra man nani lukisma yang nani na man nani mamwanra pâtkas sna aisisna. Sakuna baku apia, yang nani Gâd mawanra bûi aisisna, Kraist uplika nani baku. Baha sut ba muihki laitwankira nani, man nani Spirit lâka ra kau pâwaia dukiara aisisna.

2 Korint 7:3

Naha na yang aisaras man nani pâtkira mai sakaia dukiara, sakuna piua luan ra aisari baku, man nani ba yang kupi ra sma, aikuki asla iwi kaia bara aikuki sin pruaia wisi.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

1 Tesalonaika 2:11

Pain sin kaikisma, nahki man nani kumi bani ra, yang nani tâm baikri bara maisam nihkri ba, sim aisa kum mita ai luhpia nani ra maisa nihki ba baku.

1 Tesalonaika 5:14

Baku sin, muihki nani, yang nani mamkabisni, wark takan daukras nani ba ra lawi daukma, si brabrira nani ba tâ baikma, swapnikira nani ba hilp muni banhma, bara upla sut wal kupiam alki takaski bri bas.

2 Tesalonaika 3:14

Ya ya naha wauhkataya ra ulbi wisna na bîla wali daukras kaka, uplika ba aman pali kaiki bas, bara witin wal bisnis âpu bas; baku witin ai swira bri kabia.

Pilimon 1:10

Yang bui man ra Onésimo dukiara hilp makabisna; witin lika naha silak watla na kat, spirit lâka ra yang luhpi baku takan sa.

1 Jan 2:1

Yang luhpi lupia nani, naha bîla mai ulbisna man nani saura yama apia ba dukiara. Sakuna upla kumi saura daukbia kaka, wan tâwan aisasara kum brisa Aisa mawanra, baha lika Jisas Kraist, bara witin ba kasakkira sa.

3 Jan 1:4

Diara wala kumi mita sin lilia ai sakras, luhpi nani kasak ba kat taukisa win waluna ba baman lika lilia tara ai sakisa.