1 Korint 3:8 - DAWAN BÎLA AISKA

⁸ Mangki uplika nani ba wih lî laiki nani ba wal kumi sa; sakuna Gâd mita kumi bani ra ai warkka daukan ba kat ai mana yabia.

1 Korint 3:8 ပူးပေါင်းရင်းမြစ်များ

Lawana Nani 62:12

Bara witin lawi upla bani ra mana yabisa dîa daukan ba tânka kat.

Sins Lâka 27:18

Kwah damni dusa aihwaki kaiki uplika ba, baha mâ wina pîsa, baku ai dawanka dukia nani ban aihwaki kaiki uplika ba, kulkanka bribia.

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Luk 19:19

Naha albika ra sin win: ‘Man lika tawan matsip wihtka kama.’

Roman 2:6

baha yua ra Gâd upla bani dîa daukan ba kat mana yabia.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

1 Korint 3:14

Ani uplika utla tara mâkan ba, pauta klauhan ba mapara ban bapi bubia kaka, witin lika ai mana bribia.

1 Korint 3:7

Baku bamna, saumuk mangki uplika ba bara lî laiki ba sin bahki atia sa; sakuna Gâd sika diara sut ba, kan witin sika dusa ba yan pâwi ba.

1 Korint 3:9

Yang nani lika wark uplika Gâd warkka ra asla pâna nani baku wark dauki banhwisna, bara man nani ba Gâd warkka dauki ba tasbaya baku banhwisma. Man nani ba sin, Gâd watla tara kum mâki ba baku banhwisma.

1 Korint 4:15

Bamna man nani ba, Kraist tânka mai smalkaia smasmalkra 10,000 bri kama sakuna, aisikam ailal lika âpu sma. Kraist Jisas ra kasak lukan lâka brisma ba mapa ra, yang sika man nani aisikam, swaki sakan sturka yamni maikri ba mita.

1 Korint 9:7

¿Ya suldiar aimaki ai mana nani aibapi ba? ¿Ya mita wain nasla nani mangki baha wina dabras ba? ¿Ya mita sîp nani main kaiki, tialka laya subi ba wina diras?

Galesha 6:4

Upla bani ai tânka ba nahki sapa pliki kaikaia sa; bara tânka pain sa lukisa kaka, witin ai dukiara aimayunaia sip sa, sakuna upla wala dîa dauki ba dukiara lika lukaia apia sa.

Galesha 6:5

Bamna upla bani yakan ai karbanka ba twilkaia sa.

Hibru Nani 6:10

Gâd lika kasakkira sa. Man nani wark daukram ba witin ai âuya tiwbia apia; kasak lukan lâka mapara muihkam nani ba ra hilp muni, witin ra latwan lâka marikram ba sin ai âuya tikras sa, bara baha dukia ba ban daukisma.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.

2 Jan 1:8

Man nani aman pali kaiki bas, baku lika warkkam mana tikma apia, sakuna mamna aiska pali ba brima.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 22:12

“Âu, yang aihni aulni. Kumi bani ra mana yabaia sna ba yang brisna, bara dîa daukan ba kat yang mana ba yabamni.