1 Korint 3:3 - DAWAN BÎLA AISKA

³ man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

1 Korint 3:3 ပူးပေါင်းရင်းမြစ်များ

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Roman 13:13

Kakna ra wataukaia ba baku, painkira wataukpi. Yawan bla takbiara, bin dauki plun papira kabiara, tâski lâka daukbiara, lâkas tara baku taukbiara, unsabaia bara misbara lâka sin bribiara.

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

1 Korint 1:11

Muihki nani, naha na mai wisna, Cloe watla uplika nani mita man nani tilamra unsaban nani bâra sa ai win ba mita.

1 Korint 11:18

Tâ pali ra, yang sturkam walisni, man nani serts ra asla aidrubisma ba ra, tilamra tar baiwan lâka nani bâra sa; bara yang kasak lukisni naha na wiria kasak baku sa.

1 Korint 3:4

Kan upla kum bila: “Yang na Pal uplika sna”, bara wala bila: “Yang lika Apolos uplika” wisa kaka, naha tasba uplika nani dauki ba baku daukisma.

2 Korint 12:20

Bamna si brisna man nani mai kaikaia wamna ba ra, yang brin ai dauki ba baku ban kra mai kaikamna apia, bara man nani ai kaikaia brin mai dauki ba baku kra ai kaikma apia. Si brisna ban kra man nani tilamra aiklaban nani, tuman lâka nani, kupia baikan lâka nani, wînam kat man lukan lâka nani, tatuskaia lâka nani, nina aisanka nani, praut lâka nani bara inipis lâka nani sut sin bâra kabia.

Galesha 5:15

Sakuna man nani pana walkam ra sami dakbi pisma kaka, aman kaiks, man nani klauna pih âpu taki banhma.

Taitus 3:3

Kan yawan pali na sin, pas piua sinskas nani kan bara Gâd bîla sin wali daukras. Yawan na aihka aimawahki tauki kan, bamna wan wîna brinka karna nani bara wan brinka dukia sât sât albika nani kata. Yawan na saurka lâka ra bara tuman lâka ra sin iwi kan upla wala nani mita misbara wan kaiki kan, bara pana yawan mita sin.

Jems 3:16

Kan anira tuman lâka nani bara wan wîna dukia plikanka bâra kaka, bahara tanis turban lâka, daukanka saura sât sât sin bâra sa.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.