1 Korint 3:17 - DAWAN BÎLA AISKA

¹⁷ Baku bamna, ani uplika Gâd tempelka ba sauhkbia kaka, Gâd mita uplika ba sauhkbia. Kan Gâd tempelka ba holikira sa, bara baha tempelka ba lika man nani pali sma.

1 Korint 3:17 ပူးပေါင်းရင်းမြစ်များ

Blasi Sturka 28:17

Witin sibrin daukan bara lukan: “Naha tasbaya na holi pali sa Gâd watla ba nâra sa; ¡naha na lika kasbrika pura durka!”

1 Kronikas 29:3

Baha sut purkara, tempel ba dukiara diara nani brisna tilara, Dawanki tempelka ra latwan kaikisna ba mita, yang pali bui sin ba dukiara yabisna gul bara silbar mani:

Lawana Nani 74:3

Bal, kaiks man nani nahki tnata âpu sauhki tikan na; ¡waihla nani ba bal tempel na sut sauhkan!

Lawana Nani 79:1

¡Man Gâd, diara nani bri katma sut idan nani dakbi brin! Tempelkam holi ba tâski dauki banhwan bara Jerusalem sut sauhki tikan.

Lawana Nani 93:5

Dawan, man adarkam nani ba sip kitras pali sa; ¡Holikira lâka tempelkam prana daukan ba ban kaia ra ban kabia!

Lawana Nani 99:9

Man nani bui Dawan ra mayuns, yawan wan Dawanka ba, ¡nina holikira ra ai mawanra lulam kriki bas! ¡Yawan wan Dawanka, witin ba holi sa!

Impakan Sturka 3:5

Bara Dawan bui Moses ra aisin: —Kau laimara balpara. Sûskam ba minam wina sâks, tasbaya minam taibi sma ba sunu sa bamna.

Aiseya 64:11

Yawan wan pura sunaia watla holikira ba, baha yawan wan prana kata ba, baha bilara yang nani damiki nani man ra mamyuni kata; baha sut nanara pauta ra angkan. ¡Baku sin yawan wan dukia manakira kau pali pain kaiki kata!

Isikiel 43:12

Naha sa tempel lâka ba: tempel lama kir tasba bara ilka purara ba holikira pali kulkan kabia.”

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Isikiel 7:22

Yang naha kuntrika wina tnaya ra tawamna bara swimna tempelka ba tâski daukbia, kan baha sika yang duki kukan. Tahplu nani balbia bara tâski daukan kabia.

Libait Lâka 15:31

bamna baku Israel luhpia nani, man nani tâski ba wina laihura wama. Diara tâski kulkan ba dauki tâski takma apia, baku sin pruma apia, yang altarki lamara mai kaikisna ba pliska ra.”

Libait Lâka 20:3

Yang baha waitnika mapara kamna, ai uplika nani tila wina sakamna, tintki watla tâski daukan, yang nini swiri tara daukan ai luhpia Moloc ra yan bamna.

Sofonías 3:4

Ai dahra aisasarika nani ba, saura daukisa kunin lâka ra; ai prîska nani ba, Dawan lâka kriki bara Dawan wal prawaia watla holi ba bahki lâka ra daukisa.

Kulki Kaikanka 19:20

Bamna lâ ba kat tâski kulkan uplika ba, sunu takras sa kaka, uplika ai kiamka ba tila wina dakbi sakan kabia, kan Dawan tintka watla sunu ba bahki kulki ba mita. Witin sunu saki laya ba ni srikbras kan ba mita, witin ba ban tâski kulkan sa.

1 Korint 3:16

¿Man nani kaikras sma ki Gâd tempelka banhwisma ba, bara Gâd Spiritka ba man nani ra iwisa?

1 Korint 3:18

Upla ai kupia ra kunin munbiara. Man nani tilam wina kumi, naha tasba sinska lâka kat witin ba sinskira sa lukisa kaka, witin ba sins âpu baku takaia sa, bara baku lika kasak sinskira pali kabia.