1 Korint 3:12 - DAWAN BÎLA AISKA

¹² Sakuna upla sip sa baha playa bapanka purara gul ni paskaia, silbar ni, walpa manakira nani wal sin; upla wala nani sip sa dus nani wal paskaia, twi ni, waha nani wal sin.

1 Korint 3:12 ပူးပေါင်းရင်းမြစ်များ

Lawana Nani 119:72

Yang maipara kau tara sa, man smalkankam ba, kau pain sa, gul bara silbar mâ tausin ailal briaia ba wal.

Lawana Nani 19:10

¡Dawan lâka nani ba, gul wal kan mapara tara sa!, ¡gul pali ba wal sin kau mana tara sa! ¡Baha lâka nani ba lika, nasma laya wal kau damni sa!

Impakan Sturka 5:12

Israel luhpia nani lika Idsip aiska ra diara klakan lâwan nani ba pliki taki wan, baha ni inma lâwan nani twi lâwan baku yus munaia dukiara.

Sins Lâka 16:16

Sins lâka alki briaia ba, kanra yamni sa gul pain briaia ba wal. Diara tânka brih, lukaia lâka pliki briaia ba sin, silbar wal kanra yamni sa.

Sins Lâka 30:6

Witin aisin bîla nani ba pura prakpara, witin bui man ra lawi mai dauki, kupiam kraukbiara sîa, bara kuninkira baku mai kulkbia.

Sins Lâka 8:10

Silbar bara gul painkira briaia watlika ra, smalkanka ba bara tânka briaia lâka ba pliki bris.”

Aiseya 60:17

“Bara bras watlika ra gul maikamna, ayan watlika ra silbar, dus watlika ra bras, bara walpa nani watlika ra ayan.

Jirimaya 23:28

¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Apastil Nani Sturka 20:30

Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

Roman 16:17

Bamna muihki nani, aman kaiki bas baha nani aihka dakwi takaia lâka bara mina prukaia lâka buki banhwi ba, kan baha uplika nani ba lika man nani dîa smalkanka lan takram ba mapara sa. Bamna witin nani wina aihka dakwi taks,

1 Korint 3:11

Kan Gâd mita Jisas Kraist pali ba playa bapanka baku pat mangki brisa, bara baha purara upla mita playa bapanka wala sip mangkras sa.

1 Korint 3:13

Upla bani warkka ba lâ daukan yua ra latan kaikbia; kan baha yua ba pauta klauhan wal kabia, bara pauta klauhan ba mita upla bani dîa sât warkka daukan sapa tânka trai kaikbia.

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.

1 Timoti 6:3

Upla kumi kunin lâka smalkbia kaka, bara witin ba wan Dawan Jisas Kraist smalkanka yamni ba kat, bara Gâd ra luki kaia lâka wan smalki ba kat sin kasak kulkras kaka,

2 Timoti 2:20

Utla tara kum bilara diara nani sât sât bâra sa: tila nani ba gul bara silbar, wala nani lika dus ni bara slaubla ni paskan; tila nani ba piua tara nani dukiara baman, bara wala nani lika yu bahki nani dukiara.

2 Timoti 3:13

sakuna upla saura nani bara upla ra kunin mamunra nani ba, ban kau saura taki kabia, bara upla ra kunin muni nani kabia, bara panaura sin upla nani mita kunin muni kabia.

2 Timoti 3:7

bara witin nani piu sut lan takaia trai munisa, sakuna kasak lâka tânka ba sip briras sa.

2 Timoti 4:3

Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara.

Hibru Nani 13:9

Smalkanka sât aihka nani bara tringsar nani mita yarka yabal kasak ba wina mai brih wabiara. Wan sulka nani ba Gâd kupia yamnika lâka ba karnika bribia ba kau pain sa, plun lâka nani bîla wali daukaia ba wal; baha nani naha lâka nani bîla wali dauki banhwi na wina hilp kumi sin briras sa.

1 Pita 1:7

Kan man nani kasak lukankam lâka ba, gul baku sa; baku bamna pauta ni trai munan kaia sa, pain, apia kaka, saura sapa kaikaia dukiara. Ani kasak lukanka lâka baha traika kaikan ra bapi bubia kaka, gul purkara kau mana tara sa; bara gul ba lika âpu takisa. Bamna, kasak lukankam lâka baku trai munan kabia ba ra, Jisas Kraist param takbia ba ra, man nani lika brima mayunra lâka, prana bara pain kulkan lâka ba.

Param Marikanka 2:14

Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia, aidul nani ra sakripais daukan nani ba pih, bara rug lâka sin daukaia.

Param Marikanka 21:18

Walpaya kutbanka ba jasper walpaya ni paskan kan, bara tawan ba lika gul aihwa pali ni kan, glas klin talia baku.

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.